Yämändä bizgäk häm malyariya
Alardan 1 ayda 60 keşeneñ ğomere özelgän
Yämänneñ Xodäydä qalasında 1 ayda kübese balalar bulu belän bergä denge bizgäge häm malyariyadan 60 keşeneñ ğomere özelgän.
Bu mäğ’lümatlar şähärneñ äl – Cärahi qasabasındağı mediśina üzägennän alınğan.
İldä tuplam 7 meñ keşeneñ älege ike çir belän awıruı belderelä.
Ozaq waqıt säyäsi totrıqsızlıq xökem sörgän Yämändä İran yaqlaw kürsätüçe husilär belän xökümätkä bäyle köçlär arasında bäreleşlär küzätelä.
Husilär 2014 nçe yılnıñ sentyabrennän birle başqala Sana häm qayber töbäklärneñ kontrolen üz qulında tota, Soğud Ğaräbstanı äydäp baruçanlığındağı koaliśiya köçläre 2015 nçe yılnıñ martınnan başlap husilärgä qarşı Yämän xökümätenä yärdäm kürsätä.
İldä hawa höcümnäre ,çista suğa ireşä almaw , citärlek däräcädä tuqlana almaw , daru häm mediśina äyberläreneñ citmäwe , sälamätlek saqlaw üzäkläreneñ yabıluı näticäsendä xalıq xolera berençe çiratta bulu belän bergä yoğışlı awırular belän köräşä.
Bäyläneşle xäbärlär
Metroda tuğan bäbäygä - ğomerlek abonement
Bel’giyädä metro stanśiyäsendä dön’yağa kilgän sabıyğa üzençälekle büläk birälär