Portugaliyädä milli matäm iğ’lan itelgän

 Portugaliyädä 14 nçe sentyabr’dän birle däwam itkän häm 7 keşeneñ ülemenä kitergän urman yanğınnarı arqasında milli matäm iğ’lan itelgän.

İl tarixındağı iñ zur urman yanğınnarı küzätelgän Portugaliyädä xäzergä çaqlı yanğan cir mäydanı başqala Lissabonnan 10 tapqır zurraq.

7 keşe ğomeren yuğaltqan, yaqınça 160 keşe cäräxätlängän yanğın belän bäyle 5 keşe qulğa alınğan.

İlneñ tön’yağındağı toraq punktlarda qayber awıllarnı tulısınça kölgä äwereldergän yanğınnar arqasında yözlägän keşe yortsız qalğan häm meñlägän maşina qullana almaslıq xälgä kilgän.

Portugaliya milli ğadättän tış xällär häm grajdannarnı saqlaw oyışması, yanğınnar 30 urında däwam itsä dä, utnıñ kontrol’ astına alınuın xäbär itte.