“Xizbulla” citäkçese belderü yasadı
Xäsän Nasrallaxnıñ çığışı waqıtında İzrail xärbi oçqıçları Bäyrut östennän tübännän oçtı häm görelte barlıqqa kiterde
“Xizbulla” xäräkäteneñ ğomum särqatibe Xäsän Nasrallax: “İzrailneñ höcümnäre Livan xalqına qarşı suğış iğ’lanı”,-dide. Ul ber telekanaldağı reportajında sişämbe häm çärşämbe könnärendä oyıştırılğan häm 37 keşeneñ üleme, meñnärçäseneñ cäräxätlänüenä kitergän waqıyğalarğa tuqtaldı.
“İzrailneñ axırğı höcümnäre belän Livandağı qarşılıq xäräkäte üz tarixındağı iñ zur zıyanğa duçar buldı. Bu İzrail belän köräş tarixında moñarçı kürelmägän höcüm häm bärü,”-dip söyläde Xäsän Nasrallax.
Ul İzrailneñ texnologik yaqtan üzlärennän östen buluın, çönki NATO häm AQŞtan yärdäm aluın äytte.
Xäsän Nasrallax İzrailneñ bu höcümnärenä bireläçäk cawap turında bolay dide: “Bez bilgeläyäçäk waqıt, urın häm xarakterda ğadel üç alu bulaçaq”.
İzrail armiyäse Xäsän Nasrallaxnıñ reportajınnan alda Livannıñ qayber töbäklärenä hawa höcüme yasadı. Anıñ çığışı barışında da xärbi oçqıçlar başqala Bäyrut häm başqa cirleklärdä tübännän oçtı, tawış bar’yerın kiçep görelte barlıqqa kiterde.
