Metroda tuğan bäbäygä - ğomerlek abonement

Bel’giyädä ber metro stanśiyäsendä dön’yağa kilgän bäbäygä cämäğat’ transportında ğomerlek tüläwsez yörü xoquqı büläk itkännär.

Waqıyğa 15nçe sentyabr’dä başqala Brüssel’neñ Molenbek rayonındağı Beekant metro stanśiyäsendä bula. Xatın-qız yulçılıq waqıtında tulğaq tota başlıy. Transport xezmätkärläreneñ yärdäme belän ul bäbäyne saw-sälamät dön’yağa kiterä.

Transport idaräsennän yasalğan belderüdä bolay diyelä: “Bu berqayçan da onıtılmayaçaq mizgel häm tuu büläge itep cämäğat’çelek transportı şirkäteneñ keçkenä yoldızı tüläwsez häm ğomerlek abonementqa iyä bulaçaq”.