“Äsädne üterik dimädem”

Amerika Quşma Ştatları ilbaşı Donal’d Tramp Süriyä liderı Bäşşar Äsädneñ üterelüen teläwe turındağı süzlärne kire qaqtı. Bu xaqta ul Kuveyt ämire Şäyex Sabax äl-Cabir äs-Sabax belän Aq Yortta oçraşqannan soñ jurnalistlarğa söyläde. Trampnı Süriyädä 2017nçe yılda bulğan ximik höcümnän soñ Äsädne üterergä çaqırdı digän süzlär taralğan. “Min alay dip äytmädem. Mondıy närsäne ğomumän tartqalaşmadıq,”-dide AQŞ ilbaşı.

 Tramp tanılğan jurnalist Bob Vudvordnıñ idaräse xaqında yazğan kitabı belän bäyle sorawlarğa cawap birde.  “Bu baştan ayaq uylap çığarılğan kitap. Vudvordnıñ ütkänenä qarasağız, başqa ilbaşları belän dä probleması buluın añlarsız,”-dide ul.

Vudvordnıñ “Qurqu: Aq Yortta Tramp” isemle kitabının qayber bülemnäre Amerikanıñ “Vaşington Post” gazetasında basılıp çıqtı. Anda Trampnıñ Äsäd turında: “Şul läğ’nät töşkänne üterik. Êçkä kerep bolarnıñ kübesen üterik,”-diyüe äytelä.