Awraziya cömhüriyätläreneñ kön tärtibendäge waqıyğalar

1 avgustta İslandiyaneñ Mäskäwdäge ilçelege êşçänlegen tuqtattı. İslandiyale räsmi zatlar ilçelekneñ xäzerge waqıtta faydasız bulğan yuğarı xezmät çığımnarı arqasında yabılaçağın citkerde.

Rusiyäneñ Kişinevdağı ilçelege 5 avgustta konsullık êşlären tuqtattı. Bu qarar Moldovanıñ Rusiyädäge diplomatik personal sanın kimetü öçen qabul itkän qararınnan soñ birelde.

Törekmänstan hawa yulları 1 avgustta Aşxabadtan Mäskäwgä başqarıluçı reyslarnı tuqtattı. Älege qarar oçış qurqınıçsızlığı riskları belän açıqlana.

Şul uq könne Pol’şa häm Belarus’ arasında hawa kiñlegenä xärbi transport çaraları belän kerü mäs’äläsendä bäxäs çıqtı. Belarus’neñ “Vagner”nı Könbatış çigenä urnaştıra başlawına pol’şalılar belän ber rättän könbatışlılar da reakŝiya belderde.

Mongoliya prem’yer-minisrı Luvsannamsrayn Oyuun-Êrdênê 2-6 avgust könnärendä AQŞqa räsmi säfär yasadı. Prem’yer Oyuun-Êrdênê AQŞ viŝe-prezidentı Kamala Harris, däwlät särqätibe Êntoni Blinken, Saqlanu ministrı Lloyd Djeyms Ostin, Transport ministrı Peter Paul Buttigieg belän küreşte. Söyläşülärdä ike il arasında aviaŝiya, transport, taw sänägäte häm intellektual’ milek ölkälärendä kileşü täêmin itelde. Mongoliya prem’yerı säfäre qısalarında NASA häm AQŞnıñ Xalıqara üseş agentlığına bardı.

3 avgust könne Rusiyäneñ tışqı êşlär ministrlığı Rumıniyaneñ ildäge diplomat sanın çikläw qararın qabul itte. Rumıniya iyun’ ayında Rusiyäneñ Buxaresttağı ilçelegendä wazifa başqaruçı 40 diplomattan 30 kön êçendä ildän kitülären sorağan ide. Şulay uq Rusiyä Norvegiyaneñ ildäge diplomat sanın 27 belän çikläde.

4 avgustta Aşxabadta Üzbäkstan, Tacikstan häm Törekmänstan ilbaşlarınıñ berençe 3 yaqlı oçraşuı uzdı. Oçraşuda älege öç ilne qızıqsındıruçı urtaq mäs’älälär qaraldı. Oçraşu azağında 17 maddädän toruçı urtaq belderge qabul itelde. Annarı Üzbäkstan, Tacikstan häm Törekmänstan tışqı êşläre ministrları matbuğat oçraşuı oyıştırdı. Taraflar xalıqara transport mäs’äläsendä köçlären berläşterergä buldılar. Taraflar Amudär’yanıñ maqsatlı qullanıluı mäs’äläsendä dä kileşte. Monnan alda Äfğanstannıñ Amudär’yağa böyä tözü iniŝiativasına töbäk illäre reakŝiya beldergän ide. Oçraşu qısalarında ilbaşları ike yaqlı söyläşülär dä ütkärde. Törekmänstannıñ xalıq êşläre başlığı Gorbangulı Bärdemöxämmädov Üzbäkstan häm Tacikstan däwlät başlıqları belän küreşep söyläşte.

5 avgust könne Latviya Parlamentınıñ Watandaşlıq, migraŝiya häm soŝial’ ahäñ komissiyase başlığı İngmar Lidaka räsmi tel imtihanın uzmağan yaqınça 6 meñ Rusiyä watandaşınıñ ildän kitü taläben üz êçenä aluçı xatlar alaçağın belderde.

Azärbaycan ilbaşı İlham Aliyev 3 avgustta AQŞ Däwlät departamentınıñ Kavkaz söyläşüläre başkiñäşçese Lui Bononı qabul itte. Söyläşüdä Azärbaycan-Ärmänstan arasındağı tınıçlıq urnaştıru söyläşüläreneñ xäzerge wazğıyäte quzğatıldı.

Täraqqıyät’lärdän kürengänçä uzğan atnada Törekmänstanda möhim oçraşu uzdı. Rusiyäneñ Könbatış belän diplomatik mönäsäbätläre isä zäğıyf’länä bara.