د تورکیې په لویه برخه کې د ریښتر په کچه د ۷ عشاریه ۴ په شدت شره زلزله رامنځته شوې ده
په تورکیه کې د ریښتر په کچه د ۷ عشاریه ۴ په لویوالي سره زوروره زلزله رامنځته شوې ده
د تورکیې د کورنیو چارو وزیر سلیمان سویلو وویل چې نن دوشنبه د فبروري ۶ مه د سهار په ۴ بجو او ۱۷ دقیقو د قهرمان ماراش ، مالاتیا، ادي یمان، شانلي اورفا، ادانا، کیلیس، قیصري ، هتای، دیاربکر، غازيانتپ او شاوخوا ولایتونو کې د ریښتر په کچه د ۷ عشاریه ۴ په لویوالي سره زلزله رامنځته شوې ده .
هغه وویل چې په ډیره خواشینۍ سره باید ووایم چې پدې زلزله کې ځاني تلفات رامنځته شوي دي. د ژغورنې ډلې زلزله ځپلو سیمو ته روانې شوي دي.
هغه وویل چې د زلزلې نه وروسته ۲۲ نور ټکانونه رامنځته شوي دي. ددې ټکانونو شدت هم د ریښتر په کچه د ۶ نه تر ۷ پورې وو.
هغه وویل چې ددې زلزلې مرکز د قهرمان ماراش ولایت د پازارجک ولسوالي دي او زلزله د مځکې لاندې په ۷ کیلومترۍ کې رامنځته شوې ده .
اړوند خبرونه
د تورکیې ولسمشر رجب طیب اردوغان به نن د جي ۷ سرمشریزه کې د ځانګړي میلمه په توګه ګډون وکړي.
د نړۍ د اوو پرمختللي اقتصاد لرونکو هیوادونو (G7) سرمشریزه د ایټالیا په کوربه پيل شوه.
ولسمشر اردوغان د جي ۷ په سرمشریزه کې ګډون کوي
د اوو پرمختللو اقتصادي هیوادونو (G7) مشران به د جون په ۱۳ نیټه په ایټالیا کې غونډه وکړي.
