ولسمشر اردوغان د اذربایجان له ولسمشر الهام علي یف سره لیدنه وکړه.
ولسمشر اردوغان د اذربایجان د ولسمشر سره چې د رسمي سفر په ترڅ کې انقرې ته راغلی وو لیدنه وکړه
![ولسمشر اردوغان د اذربایجان له ولسمشر الهام علي یف سره لیدنه وکړه.](http://cdn.trt.net.tr/images/xlarge/rectangle/42d6/6562/a327/6667f74402194.jpg?time=1722043494)
ولسمشر اردوغان د اذربایجان له ولسمشر الهام علي یف سره لیدنه وکړه.
د تورکیې ولسمشر رجب طیب اردوغان د اذربایجان له ولسمشر الهام علی یف سره په لیدنه کې په غزه کې د اسرائیلو د قتل عام، له نیواک څخه د آذربایجان د آزاد شویو ځمکو د جوړولو په چارو او د سیمه ایزو او نړیوالو مسائلو په هکله خبرې اترې وکړې.
د ولسمشرۍ ماڼۍ د رسنیو د دفتر له خوا په خپره شوې خبرپاڼه کې راغلي دي چې اردوغان او علی یف پرون په پلازمینه انقره کې د ولسمشرۍ په ماڼۍ کې سره وکتل.
ولسمشر اردوغان پدې لیدنه کې وویل چې تورکیه د ارمنستان د نیواک نه د ازادو شوو اذربایجان په خاوره کې د ساختماني او بیارغونې د فعالیتونو په ستاینه سره د قره باغ نه د روسیې د سوله ساتو ځواکونو د وتلو بهیر د نږدې نه تعقیبوي.
اردوغان په دې باندې په ټينګار سره چې په فلسطيني سيمو په تیره بيا په غزه کې د اسرائيلو نسل وژنې عملونه دوام لري او په دغو جنايتونو سره اسرائيل نه يوازې د سيمې امنيت بلکې نړيوال امنيت هم له ګواښ سره مخامخ کوي، وويل دايمي حل لاره د ختيځ بيت المقدس د پلازمینې په توګه د فلسطيني دولت جوړول دي. او د دې لپاره، د نړیوالې ټولنې لخوا پر اسرائیلو فشار راوستو ته اړتیا ده.
ولسمشر اردوغان د اذربایجان په ملي شورا کې د شمالي قبرس تورکي جمهوریت سره د بین الپارلماني دوستۍ ډلې د جوړولو پریکړه د خوښۍ په څرګندولو سره وویل چې د تورکي دولتونو د سازمان په سرمشریزه کې د شمالي قبرس تورکي جمهوریت د ولسمشر ایرسین تاتار بلنه ورکول چې د جولای په میاشت کې په شوشا کې جوړیږي د قبرس پر حق دعوا ته ځواک او طاقت ورکوي.
اردوغان په اذربایجان کې جوړیدونکي د اقلیم په سرمشریزه کې د ګډون لپاره له علی یف د بلنې څخه د مننې په څرګندولو سره وویل چې تورکیه به د چمتووالي په بهیر کې هر ډول مرستې وکړي.
اردوغان وویل چې په دې سرمشریزه کې د هغه د میرمنې آمنې اردوغان تر نظارت لاندې روانې د "صفر ضایع پروژې" په چوکاټ کې یو زیات شمیر مهم فعالیتونه ترسره شي.