د ترکیې هلو ځلو بالاخره نتیجه ورکړه.
د روسیې او اوکراین د بهرنیو چارو وزیران به د ترکیې د انتالیا دیپلوماسۍ فورم په چوکاټ کې سره لیدنه وکړي.
![د ترکیې هلو ځلو بالاخره نتیجه ورکړه.](http://cdn.trt.net.tr/images/xlarge/rectangle/401b/6af1/a021/6226fa094fbe3.jpeg?time=1718567717)
د ترکیې هلو ځلو بالاخره نتیجه ورکړه. د روسیې او اوکراین د بهرنیو چارو وزیران به د ترکیې د انتالیا د فورم په چوکاټ کې سره لیدنه وکړي.
د ترکیې د بهرنیو چارو وزیر مولود چاووش اوغلو وویل چې د مارچ په لسمه نیټه به د انتالیا په ولایت کې د روسیې او اوکراین د بهرنیو چارو وزیرانو په ګډون درې اړخیزه لیدنه وکړي.
د بهرنیو چارو وزیر د ترکیې د ملي راډیو تلویزیون سره په مرکه کې پوښتنې ځواب کړې.
هغه د اوکراین او روسیې ترمنځه روانې جګړې د پایته رسولو په خاطر د ولسمشر رجب طیب اردوغان او خپلو دوامداره هلو ځلو او ډیپلوماسۍ ټرافیک ته په اشارې سره وویل چې ترکیه به د روسیې او اوکراین ترمنځه د روانې جګړې د پایته رسولو او تل پاتې اوربند د ټینګښت په خاطر هلو ځلو ته دوام ورکړي.
هغه وویل چې د روسیې او اوکراین ترمنځه د جګړې د پیلیدو نه مخکې د روسیې او اوکراین د بهرنی چارو وزیرانو سره خبرې کړې وې او د مارچ په ۱۱ مه نیټه د درې ورځو لپاره جوړیدونکې د انتالیا د ډیپلوماسۍ په فورم کې د ګډون او درې اړخیزې غونډې وړاندیز کړی وو چې دواړو خواوو مثبت ځواب ورکړی وو.
د جګړې د پیلیدو نه وروسته هم مونږ خپلو هلو ځلو ته دوام ورکړ او د دواړو خواوو د یو ځای کولو په خاطر مو ډیر زیات کار وکړ.
ولسمشر اردوغان هم تیره ورځ د روسیې د ولسمشر ولادیمیر پوتین سره په ټیلیفوني خبرو کې ددې مسئلې نه یادونه وکړه او بالاخره د روسیې د بهرنیو چارو وزیر سرګي لاروف د انتالیا د ډیپلوماسۍ په فورم کې د ګډون پریکړه وکړه. همداشان په درې اړخیزه غونډه کې د ګډون لپاره هم چمتوالی وښود.
په عینې ډول سره د اوکراین بهرنیو چارو وزیر دمیتری کولبا هم پدې غونډه کې د ګډون په خاطر چمتوالی وښود.
په ځانګړې توګه دواړو خواوو پدې لیدنه کې زما د ګډون غوښتنه وکړه. یعنې د درې اړخیزې غونډې غوښتنه يي وکړه.
انشاالله چې د مارچ په لسمه نیټه به دا درې اړخیزه غونډه په انتالیا ولایت کې ترسره کړو. همداشان تمه لرو چې دا لیدنه ددوې ترمنځه د یو نوي پيل وسیله وګرځي.
همداشان د سولې او استقرار په خاطر دا غونډه یو ډير مهم ګام دی.
هغه وویل چې د روانې جګړې د هر څه ژر درولو او تل پاتې اوربند او سولې د ټینګښت په خاطر هلو ځلو ته دوام ورکوو.
د بله پلوه د روسیې د بهرنیو چارو د وزارت ویاندې ماریا زخاروف د روسیې تاس خبري اژانس ته ویلي دي چې د ترکیې او روسیې د ولسمشرانو ترمنځه په ټیلیفوني خبرو کې په انتالیا کې د روسیې ، اوکراین او ترکیې د بهرنیو چارو وزیرانو په ګډون د درې اړخیزې غونډې پر ترسره کولو په توافق رسیدلي دي.
اړوند خبرونه
![د تورکیې ولسمشر رجب طیب اردوغان به نن د جي ۷ سرمشریزه کې د ځانګړي میلمه په توګه ګډون وکړي.](http://cdn.trt.net.tr/images/medium/rectangle/cf40/85da/3642/666855ba58df0.jpg?time=1718567717)
د تورکیې ولسمشر رجب طیب اردوغان به نن د جي ۷ سرمشریزه کې د ځانګړي میلمه په توګه ګډون وکړي.
د نړۍ د اوو پرمختللي اقتصاد لرونکو هیوادونو (G7) سرمشریزه د ایټالیا په کوربه پيل شوه.
![ولسمشر اردوغان د جي ۷ په سرمشریزه کې ګډون کوي](http://cdn.trt.net.tr/images/medium/rectangle/bc5c/3dc3/85fe/666961b66915c.jpg?time=1718567717)
ولسمشر اردوغان د جي ۷ په سرمشریزه کې ګډون کوي
د اوو پرمختللو اقتصادي هیوادونو (G7) مشران به د جون په ۱۳ نیټه په ایټالیا کې غونډه وکړي.