ولسمشر اردوغان لویدیځې نړۍ ته ډیر سخت خبرداری ورکړ
اردوغان : لویدیځه نړۍ باید کډوالو په برخه کې د ترکیې سره په کړو ژمنو عمل وکړي او د نه کولو په صورت کې به ترکیه مجبوریږي چې د کډوالو پر مخ ټولې دروازې پرانیزي
د ترکیې ولسمشر رجب طیب اردوغان په لویدیځې نړۍ غږ وکړ چې د کډوالو په مسئله کې په خپلو کړو ژمنو عمل وکړي او د ترکیې سره مرسته وکړي ، د مرستې د نه کولو په صورت کې ترکیه مجبوریږي چې د اروپا دروازې د کډوالو پر مخ پرانیزي.
ولسمشر اردوغان د عدالت او پراختیا ګوند د ولایتي شوراګانو د رئیسانو غونډې ته وینا وکړه.
ولسمشر اردوغان پر لویدیځې نړۍ د کډوالو په مسئله کې ډیرې سختې نیوکې وکړې. ولسمشر اردوغان وویل چې لویدیځې نړۍ د ګډوالو په مسئله کې د ترکیې سره د مرستو کولو ژمنه کړې وه خو له بده مرغه چې کړې ژمنې ندي پر ځای کړي.
لسمشر اردوغان وویل « که چیرې په سوریه کې د امن سیمه جوړه نشي ترکیه مجبوریږي چې د اروپا دروازې د کډوالو پر مخ پرانیزي. که مرسته کوۍ وکړئ او که نه يي کوۍ ترکیه مجبوره ده چې د کډوالو پر مخ د اروپا دروازې پرانیزي. دا لوی او دروند بار به یواځې ترکیه په اوږو اخلي؟»
د کډوالو په برخه کې لویدیځې نړۍ او اروپايي ټولنې د ترکیې سره د مرستو ژمنې کړې وې خو له بده مرغه چې دا مرستې مونږ ترلاسه نکړې. که چیرې حالات په همدې شان دوام وکړي مونږ مجبوریږو چې د اروپا دروازې د کډوالو پر مخ پرانیزو.
ولسمشر اردوغان وویل چې ترکیه په پام کې لري چې د روانې سپټمبر میاشتې تر وروستۍ اونۍ په سوریه کې د فرات سیند ختیځې برخه کې د امن سیمه جوړه کړو. زمونږ هدف د ۴۵۰ کیلومترو په اوږدو کې د ترکیې د پولو پورې غاړې ته د امن پدې سیمه کې د څه باندې یو میلیون تنو سوري کډوالو ځای پر ځای کول دي.
