ولسمشر اردوغان د ولسمشر ټرمپ سره ټیلیفوني خبرې کوي
د ترکیې او امریکا ولسمشران نن د ټیلیفون په کرښه خبرې کوي
د ترکیې ولسمشر رجب طیب اردوغان نن د امریکا متحده ایالتونو دونالد ټرمپ سره د ټيلیفون په کرښه خبرې کوې.
دا ټیلیفوني خبرې د امریکا په غوښتنه ترسره کیږي. د ویلو ده چې ولسمشر اردوغان پرون د فرانسې د ولسمشر ماکرون او د ورسیې د ولسمشر ولادیمیر پوتین سره د سوریې په وروستیو پرمختګونو او عفرین کې په روانو عسکري عملیاتو خبرې وکړې.
د ترکیې د بهرنیو چارو وزیر مولود چاوش اوغلو د خپل امریکايي سیال ریکس ټیلرسن سره د لیدنې نه وروسته خبري غونډې ته وویل « امریکا ټینګار کوي چې د پ وای جي ترهګرې ډلې سره يي مرستې ندي کړي. ښاغلي ټیلرسن وویل چې نن به ولسمشر ټرمپ د ولسمشر اردوغان سره د ټيلیفون په کرښه خبرې وکړي. د ټیلیفوني خبرو غوښتنه د امریکا له لورې شوې ده . د ټیلیفوني خبرو ساعت او نیټه هم معلومه شوې ده. »
د ترکیې ولسمشر رجب طیب اردوغان د فرانسې د ولسمشر ماکرون سره په ټیلیفوني خبرو کې د سوریې په وروستیو پرمختګونو د پدې هیواد کې د ترکیې لخوا د پيل شوو عسکري عملیاتو په اړه خبرې وکړې. ولسمشر اردوغان خپل فرانسوي سیال ته د زیتون د څانګې د عسکري عملیاتو په اړه معلومات ورکړل او وویل چې د ملکي وګړو د مرګ ژوبلې د مخنیوي په خاطر د خپل وس او توانه پورې هڅه کوي.
ولسمشر اردوغان وروسته د روسیې د ولسمشر ولادیمیر پوتین سره د ټیلیفون په کرښه خبرې وکړې.
پدې ټیلیفوني خبرو کې د دوه اړخیزو اړیکو سربیره د سوریې په وروستیو پرمختګونو او په عفرین کې د زیتون څانګې په نامه د ترکیې په نظامي عملیاتو خبرې وشوې.
ولسمشر اردوغان دواړو مشرانو ته ددې خبرې په ټینګار وویل چې ددې عملیاتو یواځنۍ موخه سیمه د پ ک ک ، پ وای ډي، وای پ جي او داعش ترهګرو ډلو نه پاکول دي.
همداشان ولسمشر اردوغان او پوتین په سوچي کې جوړیدونکې د سوریې په اړه د غونډې په مسلې هم خبرې وکړې.
دواړو مشرانو د سوریې د روانې ستونزې په سیاسي حل لارې او پدې اړه د موجودو ټولو خنډونو د لرې کولو په برخه کې په ګډه د همکارۍ ټینګار وکړ.
اړوند خبرونه
د تورکیې ولسمشر رجب طیب اردوغان به نن د جي ۷ سرمشریزه کې د ځانګړي میلمه په توګه ګډون وکړي.
د نړۍ د اوو پرمختللي اقتصاد لرونکو هیوادونو (G7) سرمشریزه د ایټالیا په کوربه پيل شوه.
ولسمشر اردوغان د جي ۷ په سرمشریزه کې ګډون کوي
د اوو پرمختللو اقتصادي هیوادونو (G7) مشران به د جون په ۱۳ نیټه په ایټالیا کې غونډه وکړي.