اردوغان: د امنيت په شورا كې عدالت نشته!
ولسمشر اردوغان چې په هندوستان كې په رسمي سفر بوخت دى يو ځل بيا د ملګرو ملتونو د امنيت پر شورا د سختو نيوكو ترڅنګ وويل چې پدې شورا كې عدالت نشته دى.
![اردوغان: د امنيت په شورا كې عدالت نشته!](http://cdn.trt.net.tr/images/xlarge/rectangle/4161/6e6a/12c6/590712fb587ce.jpg?time=1718585178)
ولسمشر اردوغان چې په هندوستان كې په رسمي سفر بوخت دى يو ځل بيا د ملګرو ملتونو د امنيت پر شورا د سختو نيوكو ترڅنګ وويل چې پدې شورا كې عدالت نشته دى.
اردوغان د هندوستان د لومړي وزير نرېندرا مودي سره په ګډه خبري غونډه كې د ګډون پر مهال وويل چې د ترهګرۍ په برخه كې د هندوستان سره همغږي يو. ترهګر به حتماً په هغو وينو كې ډوب شي چې دوى توى كړي دي. هېڅكله به دا اجازه ورنكړو چې ترهګرې ډلې زموږ اراده اسيره كړي.``
اردوغان زياته كړه چې ``موږ پدې باور لرو چې نړيواله سوله او ثبات يواځې د عادل سيستم پر اساس رامنځته كېدلى شي. عدالت هغه مهال ټېنګېدلى شي چې نړيوالې ادارې په عادلانه توګه تنظيمې شي. په ځانګړي توګه د ملګرو ملتونو د امنيت د شورا په جوړښت كې بايد ژرتر ژر اصلاحات راشي. د بېلګې په ډول د هندوستان په څېر يو هېواد چې ۱ ميليارد او ۳۰۰ ميليونه نفوس لري، د امنيت په شورا كې غړيتوب نه لري. څوك ويلاى شي چې دا شورا عادله ده. اسلامي نړۍ چې ۱ ميليارد او ۷۰۰ ميليونه نفوس لري د امنيت په شورا كې استازى نه لري. اوسمهال د ټولې نړۍ تقدير يواځې د پينځو هېوادونو په لاس كې دى. د لومړۍ او دويمې نړيوالې جګړې د شرايطو پر مهال رامنځته شوى سيستم نشي كولاى چې د ټولو استايتوب وكړي. ``
اړوند خبرونه
![د تورکیې ولسمشر رجب طیب اردوغان به نن د جي ۷ سرمشریزه کې د ځانګړي میلمه په توګه ګډون وکړي.](http://cdn.trt.net.tr/images/medium/rectangle/cf40/85da/3642/666855ba58df0.jpg?time=1718585178)
د تورکیې ولسمشر رجب طیب اردوغان به نن د جي ۷ سرمشریزه کې د ځانګړي میلمه په توګه ګډون وکړي.
د نړۍ د اوو پرمختللي اقتصاد لرونکو هیوادونو (G7) سرمشریزه د ایټالیا په کوربه پيل شوه.
![ولسمشر اردوغان د جي ۷ په سرمشریزه کې ګډون کوي](http://cdn.trt.net.tr/images/medium/rectangle/bc5c/3dc3/85fe/666961b66915c.jpg?time=1718585178)
ولسمشر اردوغان د جي ۷ په سرمشریزه کې ګډون کوي
د اوو پرمختللو اقتصادي هیوادونو (G7) مشران به د جون په ۱۳ نیټه په ایټالیا کې غونډه وکړي.