د ترکیې د ادیامان ولایت زورورې زلزلې ولړزو.
په ادیامان ولایت کې زوروره زلزله رامنځته شوه
د ترکیې د ادیامان ولایت زورورې زلزلې ولړزو.
د ادیامان ولایت د سام سات په ولسوالۍ کې د ریښتر په کچه د ۵ عشاریه ۵ په لویوالي سره زوروره زلزله رامنځته شوه.
د زلزلې له امله ګڼ شمیر کورونو ته زیان رسیدلی دی. زلزلې تر ۳۰ ډیر کسان ټپیان کړي دي.
د یاد شوي ولایت والي عبدالله اراین خبري رسنیو ته وویل چې « په سام سات ولسوالۍ کې د زلزلې له امله د رامنځته شوو زیانونو د تثبیت په چارو پيل شوی دی. تر اوسه پورې تر ۳۰ ډیر هیوادوال چې د زلزلې له امله ټپیان شوي دي روغتونونو ته انتقال او د درملنې لاندې نیول شوي دي. د الله په فضل کې چې تر اوسه پدې پيښه کې چا ژوند د لاسه ندی ورکړی. »
هغه زیاته کړه چې زلزلې تر ټولو زیات د سام سات ولسوالۍ د تاش کویو او اقدامار کلو ته زیان رسولی دی . سیمې ته مالي زیانونه اوښتي دي چې انشاالله هر څه ژر به د دولت لخوا ورغول شي. هغه وویل چې زلزله پرون مازیګر په ساعتونو کې رامنځته شوه او ټکانونو يي دوام درلود.
د شپې هم څو ټکانونه رامنځته شول.
والي ویلي دي چې سیمې ته د بیړنيو حالاتو او ناورین ادارې سربیره د سرې میاشتې ډلې هم رسیدلي دي. په زلزله ځپلو باندې خیمې او کمپلې ویشل شوي دي.
زلزله ځپلو هیوادوالو ته هر ډول مرستې رسیدلي دي. د خساراتو د تثبیت چارې دوام لري.