لومړي وزیر د نوي حکومت جوړولو دنده بیرته ولسمشر ته اعاده کړه
د هیواد لومړي وزیر احمد داوود اوغلو د نوي ایتلافي حکومت جوړولو په اړه د نورو سیاسي ګوندونو سره په مذاکراتو کې د مثبتې پایلې د نه ترلاسه کولو نه وروسته نن حکومت جوړولو دنده بیرته ولسمشر ته وسپارله
د هیواد ولسمشر رجب طیب اردوغان نن د ماښام په اتو بجو لومړی وزیر او د عدالت او پراختیا ګوند مشر احمد داوود اوغلو حضور ته قبول کړ.
د ویلو ده چې لیدنې یو ساعت او ۲۵ دقیقې دوام ورکړ. لیدنه د مطبوعاتو نه د بندو دروازو ترشاه ترسره شوه . د لیدنې نه وروسته د ولسمشرئ ماڼئ د مطبوعاتي مرکز لخوا څرګندونې وشوې.
په څرګندونو کې وویل شول چې د هیواد ولسمشر رجب طیب اردوغان د جولای په نهمه د عدالت او پراخیتا د ګوند مشر او لومړي وزیر احمد داوود اوغلو ته د نوي حکومت جوړولو دنده وسپارله. په ولسي جرګه کې د قونیې د خلکو استازي او د عدالت او پراختیا ګوند مشر ښاغلي احمد داوود اوغلو نن د ماښام په ساعتونو کې د ولسمشر رجب طیب اردوغان سره په لیدنه کې ددې خبرې په ټینګار وویل چې په ولسي جرګه کې د باور د رایې د ترلاسه کوونکي یو حکومت د جوړولو په برخه کې پاتې راغلی دی . د همدې امله د حکومت د جوړولو دنده چې د ولسمشر لخوا دیته سپارل شوې وه بیرته ولسمشر ته اعاده کوي.
د هیواد ولسمشر رجب طیب اردوغان د نوي حکومت د جوړولو په برخه کې د ښاغلي لومړي وزیر احمد داوود اوغلو د نه سټري کیدونکو هلو ځلو نه مننه وکړه .
اړوند خبرونه
د تورکیې ولسمشر رجب طیب اردوغان به نن د جي ۷ سرمشریزه کې د ځانګړي میلمه په توګه ګډون وکړي.
د نړۍ د اوو پرمختللي اقتصاد لرونکو هیوادونو (G7) سرمشریزه د ایټالیا په کوربه پيل شوه.
ولسمشر اردوغان د جي ۷ په سرمشریزه کې ګډون کوي
د اوو پرمختللو اقتصادي هیوادونو (G7) مشران به د جون په ۱۳ نیټه په ایټالیا کې غونډه وکړي.
