داعش له سوریې له لورې په ترکي سرتیرو برید وکړ
داعش ډلې د سوریې له لورې په ترکي ځواکونو برید وکړ چې په پایله کې یو تن دلګی مشر شهید شو
د ترکیې وسله والو ځواکونو د کلیس په ولایت کې د داعش لخوا د سوریې له لورې په ترکیې د برید نه وروسته د داعش په موضع ګانو بریدونه پيل کړي دي.
ویل کیږي نن د مازیګر د ۴ بجو په شاوخوا کې د داعش د ډلې پنځه تنه ترهګر چې په سپکو او درندو وسلو سمبال ول د سوریې له لوري د ترکیې په سرحدي ځواکونو برید وکړ. په برید کې یو تن دلګی مشر شهید او ۴ تنه سرتیري ټپیان شول.
د برید نه سمدلاسه وروسته د هیواد د وسله والو ځواکونو په متقابل برید لاس پورې کړ. ویل کیږي په متقابل برید کې د داعش د ډلې برید کوونکی ترهګر ووژل شو او ۴ تنه نور په تیښته بریالي شو. سیمې ته څلور ټانکونه او اوبوس توپونه واستول شول. سیمه د ترکي ځواکونو لخوا د برید لاندې نیول شوې ده . ترکي ځواکونو پدې بریدونه کې د داعش اړوند ۴ موټرې له منځه یوړې او یو شمیر وسلې لاسته راوړې.
اړوند خبرونه
د تورکیې ولسمشر رجب طیب اردوغان به نن د جي ۷ سرمشریزه کې د ځانګړي میلمه په توګه ګډون وکړي.
د نړۍ د اوو پرمختللي اقتصاد لرونکو هیوادونو (G7) سرمشریزه د ایټالیا په کوربه پيل شوه.
ولسمشر اردوغان د جي ۷ په سرمشریزه کې ګډون کوي
د اوو پرمختللو اقتصادي هیوادونو (G7) مشران به د جون په ۱۳ نیټه په ایټالیا کې غونډه وکړي.
