د نړۍ په خبري رسنیو کې د ترکیې انعکاس

د انګلستان خبري آژانس  بي بي سي  « د ترکیې لومړی وزیر : ګمان نه کوو چې امریکا  د ترهګریز سازمان ترڅنګ  ودریږي »  د سرلیک لاندې لیکلي دي د ترکیې لومړي وزیر بنعلي ییلدرم د ګارډین  ورځپاڼې سره په مرکه کې په ترکیه کې د ناکامې کودتا د تشبص  او د ترکیې او امریکا د اړیکو په اړه خبرې وکړې. د ترکیې لومړي وزیر ییلدرم  ددې خبرې په ټینګار ویلي دي چې  د ترکیې او امریکا ترمنځه اړیکې ژورې  تاریخي  او دوستانه اړیکې دي. دا دواړه هیوادونه  قوي متفق او ستراتیژیک شریکان  دي. د بي بي سي د خبر له مخې  د ترکیې لومړي وزیر د فتح الله ګولن نه  د یو ترهګریز سازمان د مشر په توګه یادونه کړې او ویلي دي چې  ګمان نه کوي چې  امریکا  متحده ایالتونه د یو ترهګریز سازمان ترڅنګ  ودریږي.

په خبر کې د ترکیې د لومړي وزیر له قوله لیکلي دي چې  د جولای د ۱۵ مې ناکامې کودتا نه وروسته  نیول شوو کوتاچیانو په اعترافاتو کې منلې  ده چې  دا کودتا  په مستقیمه توګه  د فتح الله ګولن ترهګریز سازمان او موازي دولت د ساختار د مشر فتح الله ګولن لخوا شوې ده .

د ایران رسمي خبري اژانس  فارس  « فتح الله ګولن د ترکیې د حکومت د پرزولو هڅه وکړه  » د سرلیک لاندې لیکلي دي  د ترکیې مرستیال لومړي وزیر مهدي ایکر د فتح الله ګولن ترهګریز سازمان د مشر د اعادې او محاکمې په اړه ویلي دي چې ، نوموړي د ترکیې د حکومت د پرزولو هڅه وکړه. په ترکیه کې د ناکامې خونړۍ کودتا پلان جوړونکی  ، د ۲۴۶ تنو بې ګناه انسانانو  قاتل  ، د زرګونو تنو د ټپي کیدو مسول  باید خامخا په ترکیه کې محاکمه شي. د فتح الله ګولن ترهګریز سازمان مشر او غړي باید  د ترسره کړو جنایتونو حساب ورکړي. امریکا متحده ایالتونه باید په هر قیمت چې کیږي  دا لوی ترهګر  ترکیې ته وسپاري.  امریکا  پدې برخه کې هم  د نړۍوالو حقوقو  او هم د ترکیې سره د مجرمینو د اعادې د تړون له مخې  مسولیت لري. د فارس خبري اژانس  د ترکیې د مرستیال لومړي وزیر له قول لیکلي دي چې  ترکیې ته د فتح الله ګولن ترهګریز سازمان د مشر د سپارولو په خاطر  رسمي اسناد او شواهد  امریکا ته  استول شوي دي.

د روسیې خبري اژانس  ریا نویستي  « د روسیې او ترکیې د انرژۍ وزیرانو د ترک جریان د پروژې په اړه کاري ډله جوړوي  » د سرلیک لاندې لیکلي دي د روسیې د انرژۍ دولتي شرکت  ګازپورم  مرستیال  الکساندر مدویدوف  خبري غونډې ته وویل چې  روسیې او ترکیې د انرژۍ وزیرانو د ترک جریان د پروژې عملي کولو په خاطر  د کاري ډلو د جوړولو پریکړه وکړه. نوموړي ویلي دي چې  د ترکیې  د اقتصاد وزیر نیهات زیبکچي  د روسیې د انرژۍ وزیر سره په لیدنه کې د ترک جریان په پروژې ټینګار وکړ.

هغه وویل چې  دواړو هیوادونو  د انرژۍ وزارتونو په خپلو وزارتخانو کې  د ترک جریان د پروژې د عملي کولو په خاطر د کاري ډلو د جوړولو پریکړه کړې ده .

رویټرز خبري اژانس  « ترکیې  د قبرس د سولې د روانو مذاکراتو په برخه کې سویلي برخې ته خبرداری ورکړ »  د سرلیک لاندې لیکلي دي د ترکیې لومړي وزیر بنعلي ییلدرم  ویلي دي چې  د ملګروملتونو د څار لاندې په قبرس کې د سولې د روانو مذاکراتو نه  پوره ملاتړ کوي. ورځپاڼې د لومړي وزیر ییلدرم له قوله لیکلي دي چې  د قبرس سویلي برخه باید پدې مذاکراتو کې  مثبت  رول ولوبي  ځکه چې  د مذاکراتو نه  د پایلې اخیستو په خاطر  دا وروستي چانس  دی.

د ترکیې لومړي وزیر په پلازمینه انقره کې  د شمالي قبرس ترکي جمهوریت د لومړي وزیر حسین اوزګورګون   سره  د لیدنې نه وروسته په خبري غونډه کې ګډون وکړ. د ترکیې لومړي وزیر پدې خبري غونډه کې  قبرس سویلي برخې ته خبرداری ورکړ چې  د سولې د مذاکراتو پر وړانډې خنډ جوړ نکړي . شمالي قبرس ترکي جمهوریت پدې مذاکراتو کې د خپل ټول صمیمیت نه کار اخلي.