په بهرنیو رسنیو کې د ترکیې انعکاس

د الجزیرې  خبري اژانس  ً مسلمانانو ته د ترهګرۍ سره  تړاو ورکول کیږي ً د سرلیک لاندې  د هیواد د ولسمشر رجب طیب اردوغان  څرګندونو ته ځای ورکړی دی .  ولسمشر اردوغان  ویلي دي چې  بعضې  خلک  مسلمانانو ته  د ترهګرۍ سره تړاو ورکوي او پدې اړه  یوه جدي پروژه  دوام  لري . ولسمشر زیاته کړه چې  په لویدیځ نړۍ کې کله چې د مسلمانانو نه  یادونه کیږي  نو د ټولو په فکر کې  لومړی  ترکان  راځي چې د همدې امله  د ددې ناوړه پروژه  لومړنی ښکار  او قربانیان  ترکان  دي.

الجزیرې لیکلي دی چې د ترکیې ولسمشر رجب طیب اردوغان دا څرګندونې د ترکیې د بالکیسیر  په ولایت کې وکړې. ولسمشر اردوغان  په اسلامي نړۍ غږ وکړ چې  په نړۍ کې  د مسلمانانو د بدنامۍ  او د ترهګرۍ سره د تړاو ورکولو په خاطر  جدي پروژې او کمپاینونه  دوام لري چې  . مسلمانان  باید د خپلو ارزښتونو نه  د دفاع په خاطر  لا زیاتې هلې ځلې وکړي. ولسمشر اردوغان یو ځل بیا ددې خبرې په ټینګار وویل چې  دی او هیواد به يي تل  د نړۍ د مظلومو مسلمانانو ملاتړ ته دوام  ورکړي.

د چین د شینهوا  ورځپاڼې  ً د ترکیې او هنګرۍ ترمنځه د انرژۍ به برخه کې همکاري ً د سرلیک لاندې لیکلي دي د هنګرۍ ولسمشر جانوس ادیر په انقره کې د ترکیې د ولسمشر رجب طیب اردوغان  سره لیدنه وکړه. دواړو مشرانو د لیدنې نه وروسته  ددې خبرې په ټینګار وویل چې د انرژۍ په برخه کې به د همکارۍ کچه لا پسې لوړه کړي. ولسمشر اردوغان وویل چې د انرژۍ په برخه کې د همکاریو د کچې د لوړو په خاطر  د ترانس اناتولیا په پروژې چې خبرې وکړې.

د افغانستان د هشت صبح  ورځپاڼې ً د افغانستان او ترکیې د بهرنیو چارو د وزیرانو لیدنه  ً د سرلیک لاندې لیکلي دي د افغانستان د بهرنیو چارو وزیر صلاح الدین رباني  د ترکیې د بهرنیو چارو وزیر مولود چوش اوغلو سره  په انقره کې لیدنه وکړه. پدې لیدنه کې د ترکیې د بهرنیو چارو وزیر  مولود چوش اوغلو ددې خبرې په ټینګار وویل چې د ترکیې په بهرني سیاست کې د افغانستان مسله ځانګړې او مهم  ځای  لري. چوش اوغلو وویل چې ترکیه به د افغانستان سره د سولې په برخه کې همکاریو او د نوموړي هیواد سره خپلو مرستو ته دوام ورکړي.

د روسیې د ng.ru  ویبپاڼې  ً ګذرګاه ترکیه  ً د سرلیک لاندې لیکلي دي د تیرو ۳۰ کلونو راهیسې د روسیې او ترکیې ترمنځه د انرژۍ په برخه کې  جدي همکاري شتون لري. د ویلو ده چې  د دواړو هیوادونو ترمنځه د اقتصادي اړیکو سوداګرۍ لویه برخه کې انرژۍ جوړوي. 

په خبر کې راغلي دي چې د دواړو هیوادونو ترمنځه سوداګریز حجم  ۳۳ میلیاردو ډالرو ته  رسیدلی دی . ددې  رقم ۲۶ میلیارده ډالره يي یواځط  د انرژۍ برخه جوړوي. د ویلو ده چې  د ترکیې او روسیې ترمنځه د سوند د ګازو سربیره  د ډبرو سکرو او نفتو په برخه کې د هم د همکارۍ د کچې د لوړولو په خاطر تفاهم  شوی دی .

د دواړو هیوادونو ترمنځه د انرژۍ په برخه کې د پانګه اچونې ساحه هم پراخه شوې ده . پدې چوکاټ کې روسیه په ترکیه کې لومړۍ د اټومي انرژي بټۍ  جوړوي.