ایران امریکا متحده ایالتونو ته ډیر سخت خبرداری ورکړ.
ایران : امریکا په افغانستان کې داعش ترهګره ډله ځای په ځای کوي
ایران امریکا متحده ایالتونو ته ډیر سخت خبرداری ورکړ.
ایران ویلي دي یا امریکا باید پخپله خوښه د سوریې نه بهر شي او که نه وي د څپیړې په زور سره به يي وباسو.
د ایران دیني مشر ایت الله علي خامنه يي سر سلاکار علي اکبر ولایتي په سوریه کي د امریکا متحده ایالتونو د عسکري موجودیت په اړه ویلي دي « امریکا یا باید پخپله خوښه د سوریې د خاورې نه بهر شي او که نه وي د څپیړۍ د زور سره به يي بهر کړو.»
هغه دا څرګندونې د نوموړي هیواد تر ټولو په دویم لوی ښار مشهد کې د فلسطین نه په ملاتړ جوړ شوي کنفرانس ته وینا وکړه.
هغه وویل چې امریکا د سوریې د ویشلو هڅه کوي خو هیڅکله به هم بریالی نشي.
ولایتي وویل لکه څرنګه چې امریکا د عراق د ویشلو په اړه هلې ځلې ناکامې شوې همداشان په سوریه کې به هم ناکام شي. امریکا نن وي او که سبا د سوریې نه باید ووځي. که چیرې پخپله خوښه دا کار ونکړي د څپیړې په زور سره به يي وباسو.
ولایتي امریکا د داعش ترهګره ډله د افغانستان په خاوره کې په ځای په ځای کولو تورنه کړه. هغه وویل که چیرې ایران په افغانستان کې د داعش ترهګرې دلې په ځای په ځای کولو سترګې پټې کړي دا د ایران لپاره تر ټولو ستر ګواښ دی. ځکه چې ایران د افغانستان سره ۹۰۰ کیلومتره ګډه پوله لري.
اړوند خبرونه
په ایران کې د ټرافیکي پیښې له امله په لسګونو تنو ته مرګ ژوبله واوښته.
د ایران په یزد ښار کې د یوه بس د چپه کېدو له امله ۱۰ تنه مړه او ۳۶ نور ټپیان شوي دي.
