په ایران کې د ټرافیکي پیښې له امله په لسګونو تنو ته مرګ ژوبله واوښته.

په ایران کې د ټرافیکي پیښې له امله په لسګونو تنو ته مرګ ژوبله واوښته.

 د ایران په یزد ښار کې د یوه بس د چپه کېدو له امله ۱۰ تنه مړه او ۳۶ نور ټپیان شوي دي.

ایراني رسنیو د د یزد ولایت د  سرې میاشتې عمومي رئیس محمد عشقي له قوله ویلي دي چې

"نن نیمه شپه د ۲ بجو او ۵۰ دقیقو په شاوخوا کې د ساغند نه د رباط پر لورې په غځیدلې لویه لاره کې  د یو بس چپه  کیدو له امله ، ۱۰ تنه مړه او ۳۶ نور ټپیان شول."

ایراني چارواکي وویل چې د پیښې ټپیان نږدې روغتونونو ته انتقال شوي دي.

هغه د پیښې د څرنګوالي په اړه د څه ویلو نه ډډه وکړه او وویل چې د سرې میاشتې د ژغورنې ډلو د پيښې ټپیان روغتونونو ته انتقال کړي دي.