پاکستاني طالبانو د پخوانۍ لومړۍ وزیرې په وژلو اعتراف وکړ
پاکستاني طالبانو د پاکستان د پخوانۍ لومړۍ وزیرې بینظیر بهتو د وژلو مسئولیت په غاړه واخیست.
پاکستاني طالبانو د پاکستان د پخوانۍ لومړۍ وزیرې بینظیر بهتو د وژلو مسئولیت په غاړه واخیست.
تحریک طالبان پاکستان په خپور کړي نوي کتاب کې د بینظیر بهتو په وژلو اعتراف کړی دی.
د تحریک طالبان پاکستان د مشرانو نه ابو منصور عاصم مفتي نور ولي لخوا لیکل شوی « د انګلستان د مستعمره نه تر امریکا د امپریالیزمه په شمالي وزیرستان کې د مشهد انقلاب » تر نامه په چاپ شوي کتاب کې د پخوانۍ لومړۍ وزیرې په وژلو اعتراف کړی دی.
په کتاب کې ددې خبرې په ټینګار ویل شوي دي چې تحریک طالبان پاکستان د پخوانۍ لومړۍ وزیرې بینیظیر بهتو د وژلو دنده د بلال او اکرام الله په نامه دوه تنه ځانمرګیو برید کوونکو ته ورکړې وه.
په کتاب کې ویل شوي دي چې د ځانمرګیو برید کوونکو نه بلال لومړی په بینظیر بهتو ډزې وکړې او وروسته د ځان پورې تړلي چاودیدونکي توکي وچول. دویم برید کوونکی اکرام الله د پيښې د ځای نه په تیښته بریالی شو او تر اوسه پورې نیول شوی ندی.
په کتاب کې ویل شوي دي چې د پاکستان د پخوانۍ لومړۍ وزیرې بینظیر بهتو د مرګ امر د تحریک طالبان پاکستان د پخواني مشر بیت الله مسحود ورکړی وو. بهتو د ۲۰۰۸ کال په ټاکنو کې د ګډون په خاطر د متحده عربي اماراتو نه پاکستان ته راستنه شوې وه. هغه د ۲۰۰۷ کال د دسمبر په ۲۷ مه نیټه د پاکستان د راولپنډۍ په ښار کې د ټاکنیز کمپاین په ترڅ کې په جوړه شوې لویه غونډه کې ووژل شوه.
اړوند خبرونه
په ایران کې د ټرافیکي پیښې له امله په لسګونو تنو ته مرګ ژوبله واوښته.
د ایران په یزد ښار کې د یوه بس د چپه کېدو له امله ۱۰ تنه مړه او ۳۶ نور ټپیان شوي دي.
