АКШда мээсине чип орнотулган адамдын ойлору 25 мүнөт бою окулду
Wall Street Journal (WSJ) гезити жарыялаган кабарга караганда, Паркинсон оорусуна чалдыккан 71 жаштагы Жеффри Кифердин оорусунан улам жасалган операция учурунда анын алдын ала уруксаты менен мээсине чип киргизилген.
Америка Кошмо Штаттарында (АКШ) мээсине чип орнотулган адамдын ойлору 25 мүнөт бою окулду.
Wall Street Journal (WSJ) гезити жарыялаган кабарга караганда, Паркинсон оорусуна чалдыккан 71 жаштагы Жеффри Кифердин оорусунан улам жасалган операция учурунда анын алдын ала уруксаты менен мээсине чип киргизилген.
Precision Neuroscience тарабынан иштелип чыккан Layer 7 Cortical Interface имплантындагы электроддор Кифердин мээсине туташтырылган.
Импланттагы чиптер мээден жөнөтүлгөн сигналдарды чогултуп жатканда, зымсыз байланыш аркылуу жасалма интеллект колдоого алынган программага жөнөтүлгөн.
Кефердин көкүрөгүндөгү аппаратка да имплантка туташкан кабель туташтырылып, ал батарея жана антенна катары кызмат кылган.
Изилдөөдө Кифердин колу менен жасаган кээ бир кыймылдары мониторлордон алынган мээ сигналдары менен дал келген. Андан кийин пациентке колун кыймылдатпай, мурунку кыймылдарды жасоо жөнүндө ойлонууну суранышты. Кифер кыймылдарды жасоо жөнүндө ойлонгондо, анын мээ сигналдары реалдуу убакытта жазылып, кыймылдар менен дал келери байкалды.
Precision Neuroscienceтин негиздөөчүлөрүнүн бири Бенджамин Рапопорт: «Биз издеген нерсе ушул болчу. Ишке айландырууга мүмкүн болбогон ой болгондо, мээ эмнени айткысы келип жатканын биле аларыбызды тастыктадык», - деди.
