Фидан Палестина жолугушуулары үчүн Брюсселге барат

Тышкы иштер министри Хакан Фидан «Палестина» темалуу жолугушууларга катышуу үчүн бүгүн Бельгиянын борбор шаары Брюсселге барат.

Министрликтин жазуу түрүндөгү жарыясына караганда, жолугушууларда Газадагы акыркы абалдар жана гуманитардык абал менен Палестина мамлекетинин дагы көп өлкө тарабынан таанылышы боюнча аракеттер каралат.

Министр Фидан сапардын алкагында эки тараптуу жолугушууларды да өткөрөт.

Палестинага жардамдарын уланткан эл аралык өнөктөштөр Палестинанын премьер-министри Мухаммед Мустафа менен жолугуша турган «Эл аралык өнөктөштөр жыйынына» Хакан Фидан да катышат.

Жыйында Палестинанын премьер-министри Мустафанын өкмөтүнүн артыкчылыктары жана пландары тууралуу баяндама жасашы жана ушул алкакта Палестинанын кыйынчылыктарына байланыштуу күтүүлөрүн бөлүшүүсү көздөлүүдө.

Бул жолугушуудан улам эл аралык өнөктөштөр Палестина өкмөтү менен интерактивдүү диалог өткөрүшү сөз болот.

Палестинанын жаңы өкмөтүнүн артыкчылыктары; Газада токтоосуз жана туруктуу ок атышпоо, гуманитардык жардам жеткирүү жана Газаны кайра куруу, реформа күн тартиби, экономикалык жана каржылык туруктуулук катары белгиленди.

Газага гуманитардык жардамдын көбүн Түркия камсыздап жатат. Түркия Палестинаны ар платформада саясий жактан колдоп келет жана палестиналыктардын биримдик аракетин да кубаттайт.