Министр Кажыр Босния-Герцеговинада жолугушууларды өткөрдү
Кажыр Сараеводо өткөрүлгөн 13-Иш форумуна (SBF) катышты.
Өнөр жай жана технология министри Мехмет Фатих Кажыр Босния-Герцеговинанын борбор шаары Сараеводо өткөрүлгөн 13-Иш форумуна (SBF) катышты.
Парламент имаратында уюштурулган форумдун ачылышына катышкан Кажыр андан кийин Босния-Герцеговинанын тышкы иштер министри Элмедин Конакович менен жолугушту.
Жолугушууда илим жана технология тармагындагы пландаштырылган кызматташтык жана технологиялык ишкердүүлүктү жогорулатуу темалары талкууланды.
Министр Кажыр дос жана бир тууган катары эсептелген Босния-Герцеговина менен AR (изилдөө)-GE (өнүктүрүү), технология, жаңы ишканалар, ишкердик экосистема жана санариптик трансформация тармактарындагы тажрыйбаларын бөлүшүүгө даяр экендиктерин билдирди.
Кажыр андан соң Босния-Герцеговинанын транспорт жана коммуникация министри Эдин Форто, Босния-Герцеговинанын жарандык иштер министри Дубравка Босняк менен жолугушту.
Босния-Герцеговинанын тышкы соода жана экономика министри Стаса Косарач менен да кезиккен Кажыр, ошондой эле Bosna Bank International (BBI) башкы директору Алек Бакалович жана Дубай Ислам банкы (DIB) тобунун башкы жетекчиси Аднан Чилван менен да жолугушту.
