SunExpress Измирден 7 жаңы каттамды баштайт

SunExpress Измирден 7 эл аралык каттамды баштайт.

SunExpressтин башкы директору (CEO) Макс Ковнацки Измирде өткөргөн пресс-конференцияда, быйыл жайда шаардан Мадрид, Прага, Приштина, Рим, Сараево, Тирана жана Варшавага каттамдарды кошкондорун айтты.

Измирди дүйнөгө, дүйнөнү Измирге байланыштырууну уланткандарын белгилеген Ковнацки: «7 жаңы багыт менен ушул убакка чейин Измирдеги эң чоң каттам түйүнүбүзгө жеттик. Измир бир гана жайында эмес, ар бир сезондо ар кандай саякат тажрыйбаларын сунуштаган шаар. Түркиянын туризм элчиси катары дүйнөнүн төрт бурчунан келген конокторго Измирдин бай тарыхын, маданий мурасын жана көз жоосун алган жаратылышын көрсөтүү аракетибизди улантуудабыз. Измирди таанытууну жана Измирдин да, Түркиянын да туризмине салым кошууну улантабыз»,-деди.

Түркиянын тартуу борбору катары чоң суроо-талапка ээ экендиктерин айткан Ковнацки, деңиз туризминен тышкары гастрономия жана тарыхый жерлери көп Түркиянын Батыш Европа үчүн биринчи баруучу жер экенин билдирди.

SunExpress Измирден 46 жерге жумасына 271 ички каттамды ишке ашырууда.