Эрдоган Эл аралык үй-бүлө күнүнө карата куттуктоосун билдирди

Президент Режеп Таййип Эрдоган Эл аралык үй-бүлө күнүн белгиледи.

Президент Эрдоган социалдык медиа эсебинен жасаган билдирүүсүндө адамдык жана коомдук жашоонун түркүгү болгон бардык үй-бүлөлөрдү 15-май Эл аралык үй-бүлө күнү менен куттуктады.

Расмий гезитте жарыяланган «Үй-бүлөнү коргоо жана чыңдоо» жарлыктын үй-бүлө институтун ар кандай коркунучтардан коргой турган, үй-бүлө түзүлүшүн жана баалуулуктарын бекемдей турган изилдөөлөргө негиз болоруна ишенгенин белгилеген Эрдоган: «Үй-бүлөбүз биздин келечегибиз экенин айтып, ыйык мекеме болгон үй-бүлө институтун коргоп, бекем үй-бүлө түзүлүшүбүз менен Түрк кылымын курууну улантабыз»,-деди.