Министр Болат ирактык кесиптеши менен жолугушту
Министр Болат жолугушууга байланыштуу социалдык медиа баракчасынан жарыялаган билдирүүсүндө, Аль-Грейри менен абдан жемиштүү жолугушуу өткөрүшкөнүн кабарлады.
Соода министри Өмер Болат Ирак менен соода, логистика, контракт, инвестиция, энергетика жана туризм сыяктуу бардык тармактарда терең тамырлуу өнөктөштүк түзүү үчүн маанилүү чечимдерди кабыл алгандарын айтты.
Болат президент Режеп Таййип Эрдогандын Багдадга сапарынын алкагында Ирактын соода министри Этир Давуд Селман Аль-Грейри менен жолугушту.
Министр Болат жолугушууга байланыштуу социалдык медиа баракчасынан жарыялаган билдирүүсүндө, Аль-Грейри менен абдан жемиштүү жолугушуу өткөрүшкөнүн кабарлады.
Талкууланган темалар тууралуу маалымат берген Болат: «Жолугушубузда өлкөлөрүбүздүн ортосундагы сооданын техникалык жана укуктук инфраструктурасын чыңдоо, ошондой эле жеке секторлорубуздун ортосунда бардык тармактарда, өзгөчө соода, логистика, контракт, инвестиция, энергетика жана туризмде терең тамырлашкан өнөктөштүктү түзүү үчүн маанилүү чечимдерди кабыл алдык»,-деди.
Болат бүгүн кол коюла турган келишимдердин арасында орун алган «JETCO-Биргелешкен экономикалык жана соода кызматташтык механизминин» бул чечимдердин уландысы үчүн негизги платформа болоорун белгилеп: «2023-жылдан тарта 20 миллиард долларлык соода көлөмү жана подрядчыларыбыздын 34,6 миллиард долларлык 1101 долбоору менен өлкөбүздүн эң маанилүү соода өнөктөштөрүнүн бири болгон Ирак менен карым-катнашыбызды мындан да жогорку деңгээлге алып чыгууга чечкиндүүбүз»,-деп айтты.
