Байрактар ​​TB3 дагы бир сыноодон өттү

Түрк учкучсуз учуучу аппарат өндүрүүчүсү Байкар фирмасы тарабынан иштелип чыккан Байрактар ​​TB3 куралдуу учкучсуз учуучу аппарат (КУУА) дагы бир сыноо учуусун ийгиликтүү аяктады.

Бул жолу TB3 Аселсандын CATS оптикалык окугучун жогорку бийиктикте сынады.

Куралдуу учкучсуз учуучу аппарат (КУУА)  Орто жана жогорку бийиктикте системаны идентификация сыноо учуусун аткарды.

Сыноо учуусун социалдык медиа эсебинде бөлүшкөн Байкар технологиянын башкаруу кеңешинин төрагасы Селчук Байрактар:«Түрк авиациясынын алтын доору» деп жазды.

CATS-оптикалык окугуч, бир эле учурда бир нече бутага көз салган система, ошондой эле кыймылдуу бутанын багытын жана ылдамдыгын аныктай алат.

Бутанын лазер менен белгиленишине жана лазер менен башкарылган ракеталар менен атылышына шарт түзгөн система бийиктикте өтө төмөн температурада иштей алат.

Система Канаданын эмбаргосунан кийин Military Electronics Industry (Aselsan) тарабынан иштелип чыккан.

Байрактар ​​TB3 бүктөлүүчү канат түзүлүшү менен TCG Anadolu сыяктуу кыска учуу тилкесиндеги кемелерден учуп-конуу жөндөмүнө ээ дүйнөдөгү биринчи учкучсуз учуучу аппарат.

Улуттук КУУA ТВ3 да көрүү линиясынан тышкаркы байланыш мүмкүнчүлүгүнө ээ болот, ошондуктан аны өтө алыс аралыктан башкарууга болот.

Ошентип, куралдуу учкучсуз учуучу аппарат ташыган акылдуу ок-дарылары менен чет өлкөдөгү буталарга чалгындоо-көзөмөл, чалгындоо жана атуу миссияларын аткарып, Түркиянын сестентүүчү күчүн арттырат.