КААН тууралуу жаңылыктар Азия өлкөлөрүндө кызыгууну жаратууда

Түркиянын ата мекендик жана улуттук согуштук учагы КААНга чет элдик басма сөздө чоң кызыгуу бар.

КААН тууралуу жаңылыктар өзгөчө Азия өлкөлөрүндө көңүл бурат.

Социалдык тармактын колдонуучулары Түркиянын 5-муундагы согуштук учагын мактап жатышат.

Япониянын ANN жаңылыктар каналынын КААН тууралуу кабары чоң кызыгууну жаратты.

Жапон социалдык медиа колдонуучуларынын комментарийлери да көңүлдөрдү бурду.

Комментарийлерде «Түркия эгемендүүлүктү түшүнүү менен Англия сыяктуу өлкөлөрдөн күчтүү болду», «Түркияны баалабай койбогула, алар кайра көтөрүлүү жолунда», «Түркиянын технологиялык потенциалы укмуш» деген сыяктуу сөздөр орун алды.

Кытайдын телекөрсөтүүлөрү да экрандарында КААНдын биринчи учушун көрсөтүштү.

Шанхай телекөрсөтүүсү президент Режеп Таййип Эрдогандын: «Түркия 5-муундагы согуштук учакты өндүрүүдө дагы бир критикалык босогодон өттү. Түрк Аэрокосмос өнөр жайы тарабынан иштелип чыккан, эки турбо желдеткич кыймылдаткычы менен жабдылган, аба жана жердеги согушка жөндөмдүү KААН согуштук учагы Түркиянын учурдагы F-16 согуштук учактарынын ордун баса алат»,-деп айтканына орун берген.

Улуттук согуштук учак КААНдын F-16 учактарын алмаштыруу жана чет өлкөгө экспорттолушу пландалууда.