АКШнын Түркияга F-16 сатуусу боюнча мыйзам долбоору Конгресстен өттү

Америка Кошмо Штаттарынын (АКШ) Конгрессинде Түркияга F-16 согуштук учактарынын сатылышына байланыштуу кароо мөөнөтү аяктады.

АКШ башкаруучулугунун 26-январда Түркияга F-16 сатуусуна байланыштуу Конгресске жиберген расмий билдирүүсүнөн кийин мыйзамдуу түрдө белгиленген 15 күндүк кароо мөөнөтү сатууну токтото турган эч кандай тоскоолдуксуз аяктады.

15 күндүк кароо жана каршы чыгуу процессинде бир гана Кентукки штатынын сенатору Рэнд Пол тарабынан Сенатка берилген каршылык күн тартибине киргизилди.

Пол тарабынан сунушталган каршылык Сенаттын тышкы байланыштар боюнча комитетине жөнөтүлгөнү менен, ал жерде мыйзам долбоору боюнча эч кандай чара көрүлгөн эмес.

Ошентип, АКШ администрациясынын расмий билдирүүсүнөн кийин Конгресстеги 15 күндүк мөөнөт өткөн түнү АКШ убактысы боюнча аяктады жана АКШнын курал экспортун көзөмөлдөө мыйзамына (AECA) ылайык тиешелүү мекемелердин ортосунда сатуу процессинин башталышына эч кандай тоскоолдук калган жок.

Түркия АКШдан 40 жаңы F-16 Block 70 согуштук учагы жана инвентарындагы 79 учак үчүн модернизация комплекттерин талап кылган.

Бир тараптан АКШнын Түркиядагы элчиси Жеффри Флейк, АКШ Конгрессинин Түркиянын 40 жаңы жана 79 модернизацияланган F-16 учагын сатып алуусун бекитүү чечимин алдыга карай маанилүү кадам экенин айтты.

Жеффри Флейк: «Түркиянын F-16 флоту НАТОнун күчү үчүн өтө маанилүү жана келечекте шериктештердин өз ара иштешүүсүн камсыз кылууда»,-деп айтты.