Түркиядан Дүйнөлүк адам укуктар күнүнө карата билдирүүлөр айтылууда

Түркия Улуу Улуттук Жыйынынын (TBMM) төрагасы Нуман Куртулмуш 10-Декабрдын Бүткүл дүйнөлүк адам укуктары күнүнүн бүткүл дүйнө, өзгөчө согуш жана геноцид менен талкаланган газалыктарга чыгуунун жолу, чечим чекити жана кутулуу жолу болушун каалады.

Нуман Куртулмуш 10-декабрь Бүткүл дүйнөлүк адам укуктары күнүнөн улам социалдык медиа эсебинен билдирүү бөлүштү.

Куртулмуш кечээ Иракта, Сирияда, Сребреницада, бүгүн болсо Газада адамдык жана адам укуктары азап чегип жатканын баса белгилеп: «Адам укуктары универсалдуу болуп саналат, бардыгын бирдей камтууга жана коргоого тийиш»,- деди.

Нуман Куртулмуш Түркиянын адамзаттын келечеги үчүн демилгени колго алууга жана жол көрсөтүүгө ар дайым даяр экенин баса белгиледи.

Вице-президент Жевдет Йылмаз да социалдык медиа эсебинен билдирүү жасап: «Газада болуп жаткандарга карата мамиле адам укуктарына карата чын ыкластуулуктун сыноосу. Газа үчүн ок атышпоого макул деп да айта албагандардын адам укуктары тууралуу сөз кылууга укугу жок»,-деп айтты.

Тышкы иштер министри Хакан Фидан да Дүйнөлүк адам укуктары күнүн белгилеп, Газадагы абалга көңүлдөрдү бурду.

Министр Фидан социалдык тармактагы билдирүүсүндө: «Газадагы жарандарга карай кыргынды токтотуу жана туруктуу тынчтыкты орнотуу үчүн чара көрүү бардык өлкөлөрдүн орток милдети»,-деди.

Хакан Фидан: «Түркия Палестина элине карай болуп жаткан бул кыргындарды токтотуу үчүн аракетин улантат»,-деп айтты.

Адилет министри Йылмаз Тунч негизги укуктардын кол тийбестигине басым жасаган билдирүүсүндө:«Адамдын кадыр-баркын сыйлаган адилеттүү дүйнө үчүн адам укуктары корголушу керек, бирок көптөгөн аймактарда, өзгөчө Палестинада адам укуктарынын тебеленип жатышы адамзаттын келечеги үчүн тынчсыздандырууда»,- деди.

Маданият жана туризм министри Мехмет Нури Эрсой да эл аралык коомчулукту туруктуу тынчтыкка чакырып, мындай деди:«Биз эл аралык коомчулукту Палестинада зулумду токтотууга жана Адам укуктарынын жалпы декларациясынын принциптерине берилгендигибизди бекемдөө менен аймакта туруктуу тынчтыкка көмөктөшүүгө чакырыгыбызды кайталайбыз».