1915 Чанаккале көпүрөсү «Чоң жол жана темир жол көпүрөлөрү» категориясында биринчи орунду алды

1915 Чанаккале көпүрөсү Эл аралык көпүрө жана структуралык инженерия ассоциациясы (IABSE) тарабынан уюштурулган сынактын «Чоң жол жана темир жол көпүрөлөрү» категориясында биринчи орунду алды.

Эл аралык  көпүрө жана  структуралык инженерия ассоциациясы 1998 -  жылдан бери уюштуруп келген дүйнөнүн төрт тарабынан инженердик долбоорлор катышкан «IABSE 2023 Долбоор жана Технология Сыйлыктарынын» жеңүүчүлөрү Швейцариянын Цюрих шаарында өткөрүлгөн аземде белгилүү болду.

Кытай, Жаңы Зеландия, Венгрия, Дания, Катар, Индия жана Филиппиндер сыяктуу бир топ өлкөдөн катышкан 40тан ашуун  глобалдык долбоор 14 кишилик жюри тобу тарабынан  7 категорияда каралды.

Транспорт жана инфраструктура  министрлиги кургактык жолдор боюнча башкы директорлугу тарабынан тендерге коюлган жана Түркиядан Лимак жана Япы борбору,  Түштүк Кореянын DL E&C жана SK ecoplant компаниялары тарабынан жүргүзүлгөн биргелешкен демилге менен  жүргүзүлгөн  1915  Чанаккале көпүрөсү долбоору "Чоң авто жол жана темир жол көпүрөлөрү" категориясында Кытай, Филиппиндер жана Ботсванадан катышкан долбоорлордун арасында биринчи орунду алды. 

Өткөн апталарда инженердик дүйнөсүнүн Engineering News-Record (ENR) журналы тарабынан дүйнөнүн мыкты инженердик долбоорлору тандалган  "Global Best Projects" сынагында да биринчи  орунду алган  1915  Чанаккале көпүрөсү улуттук жана эл аралык 24 сыйлыктын ээси болду.