Энергетика министри БАЭ жетекчилери менен жолугушту
Байрактар, X социалдык медиа аккаунтунан билдирүү жасады.
Энергетика жана жаратылыш ресурстары министри Алпарслан Байрактар Абу-Дабиге болгон сапарында Бириккен Араб Эмирликтеринин (БАЭ) өкмөт өкүлдөрү менен энергетика келишимдерине байланыштуу жолугушууларды өткөргөнүн билдирди.
Байрактар, X социалдык медиа аккаунтундагы билдирүүсүндө: «Алгач инвестиция министри жана ADQ компаниясынын башкы директору (Абу-Даби өнүктүрүү холдингинин жогорку жетекчиси) Мохаммед Хасан аль-Сувейди, андан кийин өнөр жай жана алдыңкы технологиялар министри ADNOC (Абу-Даби улуттук мунай компаниясы) башкы директору жана Масдар компаниясынын төрагасы Султан Ахмед Аль Жабер менен жолугуштук. Жолугушууларыбызда өткөн июль айында эки өлкөнүн ортосунда кол коюлган энергетика келишимдерин конкреттештирүү үчүн аткарыла турган жол картасын талкууладык»,-деп айтты.
Июль айында Түркия менен Бириккен Араб Эмирликтеринин карым-катнаштары «стратегиялык өнөктөштүк» деңгээлине көтөрүлүп, түрдүү тармактарда 50,7 миллиард долларлык келишимдерге кол коюлган.
Тектеш кабарлар
Йылмаз «Өнүгүү жолу долбоору» тууралуу маанилүү билдирүүлөрдү жасады
Йылмаз: «Түркия бул долбоор менен стратегиялык абалын дагы да арттырат»,-деди.
