Эрдоган Подрядчылар бирикмесинин сыйлык тапшыруу аземинде сөз сүйлөдү
Президент Эрдоган чет өлкөдө ийгилик сыйлыктарын алган фирмаларды жана өкүлдөрүн куттуктады.
Президент Режеп Таййип Эрдоган чет өлкөдө түрк подрядчылары тарабынан ишке ашырылган долбоорлорду көргөн сайын сыймыктангандарын айтты.
Президент Эрдоган борбор шаар Анкарада Подрядчылар бирикмесинин сыйлык тапшыруу аземинде сөз сүйлөдү.
Чет өлкөдө ийгилик сыйлыктарын алган фирмаларды жана өкүлдөрүн куттуктаган Эрдоган: «Дүйнөдөгү эң чоң 250 эл аралык подрядчы тизмесинин 2022-жылдагы жыйынтыгы жарыяланды. Бүгүн өлкөбүздөн 42 компания кирген бул тизмеде орун алган компанияларыбызга сыйлыктарды беребиз. Мындан тышкары, дүйнөнүн эң чоң 225 техникалык кеңешчиси тизмесине кирген 6 компаниябыздын сыйлыктарын да бүгүн бул жерде тапшырабыз»,- деди.
Эрдоган глобалдык кризистер өнүккөн өлкөлөр менен бирге бүткүл дүйнөгө таасир этип жаткан мезгилде түрк подрядчы жана кеңешчилик компанияларынын мынчалык көп сан менен тизмеде болушунун чоң ийгилик экенин айтты.
«Бардык башка тармактардагыдай эле подряддык сектордо да өлкөбүздүн потенциалынын алда канча көбүрөөгүнө татыктуу экенине эч кандай шек жок»,-деген Эрдоган: «Өнүккөн өлкөлөрдүн эскирген инфраструктурасын жаңыртуу зарылдыгы күндөн-күнгө күч алууда. Түркиянын акыркы жылдарда жасаган инфраструктуралык кадамы биздин подрядчыларыбызды глобалдык атаандаштыкта алдыга алып чыкты»,-деп айтты.
Президент: «Мен сиздерден сапаттуу ири долбоорлорго багыт алышыңызды, өлкөбүздү жана өзүңүздү сектордун туу чокусуна алып чыгаарыңызды күтөм. Коргоо өнөр жайында чоң секирик жасагандай эле, подряддык сектордо да учурдагы иш көлөмүбүздү жана жүгүртүүбүздү тездик менен көбөйтүүбүз мүмкүн»,-деген баасын берди.
