Министр Уралоглу портторго келген круиздик кемелердин жана жүргүнчүлөрдүн саны

Транспорт жана инфраструктура министри Абдулкадир Уралоглу: «Дүйнөдөгү кээ бир терс көрүнүштөрдөн улам туризм тармагы кыйын күндөрдү башынан өткөрдү. Бирок өлкөбүз бул терс көрүнүштөргө карабастан туризмде талап кылынган өлкөгө айланды»,-деп айтты.

Министрликтен берилген маалыматка караганда Уралоглу Түркиянын портторунда казык түшүргөн круиздик кемелердин жана жүргүнчүлөрдүн саны боюнча маалыматтарга баа берди.

Туризм секторунун дүйнөдө кээ бир терс көрүнүштөрдөн улам кыйын күндөрдү башынан кечирип жатканын айткан Министр Уралоглу: «Бирок биздин өлкө бул терс көрүнүштөргө карабастан туризмде суроо-талапка ээ болгон өлкө болду. Мунун эң чоң көрсөткүчү круиздик туризмдин көбөйүшү. Портторубузга келген круиздик кемелердин жана жүргүнчүлөрдүн саны былтыркыга салыштырмалуу дээрлик рекорд жаратты»,-деп өз баасын берди.

Министр Уралоглу ушул жылдын июнь жана январь-июнь айларында портторго келген круиздик кемелердин жана жүргүнчүлөрдүн санына байланыштуу төмөнкү маалыматтарды бөлүшүп: «2023-жылдын июнь айында портторубузга кайрылган круиздик кемелердин саны өткөн жылдын тийиштүү айына салыштырмалуу 14,8 пайызга өсүп 140 болду. Июнь айында портторубузга келген круиздик жүргүнчүлөрдүн саны өткөн жылдын ошол эле айына салыштырмалуу 58,2 пайызга өсүп, 183 миң 407 болду.

Үстүбүздөгү жылдын январь-июнь айларында портторубузга келген круиздик кемелердин саны өткөн жылдын тийиштүү мезгилине салыштырмалуу 32,5 пайызга өсүү менен 420га жетти, портторубузга келген круиздик жүргүнчүлөрдүн саны өткөн жылдын ушул мезгилине салыштырмалуу 88,8ге пайызга өсүп, 482 миң 925ке жетти»,-деп айтты.