Байден Түркияга F-16ларды сата аларына ишенет
Байден Литвадагы НАТО саммитинен кийин Финляндияга уча турган учакка отурар алдында журналисттердин суроолоруна жооп берди.
![Байден Түркияга F-16ларды сата аларына ишенет](http://cdn.trt.net.tr/images/xlarge/rectangle/26c6/9684/453d/64af8f75357e7.jpg?time=1718875647)
Америка Кошмо Штаттарынын (АКШ) президенти Жо Байден Түркияга F-16 согуштук учактарын сата аларына ишенгенин айтты.
Байден Литвадагы НАТО саммитинен кийин Финляндияга уча турган учакка отурар алдында журналисттердин суроолоруна жооп берди.
Түркияга F-16ларды сатууга каршы болгон Нью-Жерси штатынын сенатору Боб Менендестин каршы пикирин калтырабы деген суроого Байден: «Түркия Швециянын НАТОго киришине колдоо көрсөтүүнү уланта тургандыктан жана биз да ал F-16ларды сата ала турганыбызга ишенем»,- деп жооп берди.
Байден ошондой эле НАТО саммитинин алкагында Украинанын президенти Владимир Зеленский менен эки тараптуу жолугушуусу абдан жакшы өткөнүн белгиледи.
Украинанын НАТОго катышуусу маселесине да токтолгон Байден: «Согуш бүткүчө эмес. Зеленский бир нерсени түшүнөт. Анын союздаштары тарабынан кабыл алынган милдеттенмелери бар болсо, азыр анын НАТОдо болуп-болбогону эч кандай мааниге ээ эмес»,-деди.