Эрдоган Рютте менен телефон аркылуу сүйлөштү

Президент Режеп Таййип Эрдоган Нидерландиянын премьер-министри Марк Рютте менен телефон аркылуу сүйлөштү.

Президенттиктин коммуникация башкармалыгынан берилген маалыматка караганда президент Эрдоган, Түркия-Нидерландия достук келишиминин 100 жылдыгынын келерки жылы белгилене турганын эске салып, эки тараптуу карым-катнаштардын жогорку деңгээлдеги сапарлар менен чыңдала турганына ишенимин билдирди.

Швециянын НАТОго мүчөлүк процесси да каралган телефондогу сүйлөшүүдө президент Эрдоган Швециянын террор менен күрөшүү мыйзамдарына өзгөртүү киргизүү менен туура багытта кадам таштаганын, бирок жикчил террор уюму ПКК/ПЙД/ЙПГнын колдоочуларынын терроризмди мактаган демонстрацияларды эркин уюштурууну уланып жатканынын ташталган кадамдарды текке кетиргенин айтты.

Президент Эрдоган Нидерландиянын премьер-министри Рюттеге, мусулмандардын ыйык китеби Куранга каршы жасалган кол салуулардын ой эркиндигине жамынуу менен мыйзамдаштырылышынын кабыл алынгыс экенин белгилеп, жасалгандын ачык түрдө сөз айтуу кылмышы болгонун билдирди.

Сүйлөшүүнүн жүрүшүндө лидерлер 11-12-июль күндөрү Литванын борбор шаары Вильнюс шаарында өтө турган НАТО саммитинин эң маанилүү күн тартибинин биринин Орусия-Украина согушу болушу боюнча макулдашышты.