Шариф Анкарада түрк ишкерлери менен жолугушту
Премьер-министр түрк ишкерлерин Пакистанга инвестиция салууга жана энергетика, айыл чарба, маалымат технологиялары жана курулуш тармактарында стратегиялык кызматташтык түзүүгө чакырды.
Президент Режеп Таййип Эрдогандын чакыруусу менен Түркияга келген Пакистандын премьер-министри Мухаммед Шахбаз Шариф борбор шаар Анкарада түрк ишкерлери менен жолугушту.
Премьер-министр түрк ишкерлерин Пакистанга инвестиция салууга жана энергетика, айыл чарба, маалымат технологиялары жана курулуш тармактарында стратегиялык кызматташтык түзүүгө чакырды.
Сүйлөшүүлөрдүн жүрүшүндө премьер-министр Шариф өкмөттүн түз чет элдик инвестицияны жеңилдетүү боюнча көз карашын айтып, биргелешкен ишканаларды түзүүнү кубаттады.
Жолугушууларда Пакистандагы болгон мүмкүнчүлүктөрдөн өз ара пайданы максималдаштыруу үчүн соода жана инвестициялык байланыштарды кеңейтүү, түрк ишкерлеринин жана пакистандык кесиптештери менен биргелешкен ишканалардын түздөн-түз катышуусу аркылуу экономиканын негизги тармактарында кызматташтыкты арттырууга багытталган темалар сүйлөшүлдү.
Түркия менен Пакистандын ортосунда өткөн жылдын август айында кол коюлган «Товар соодасы» келишиминен кийин эки өлкөнүн ортосундагы өнүмдөрдүн соодасы үчүн жаңы мүмкүнчүлүктөр пайда болду.
Премьер-министр Шариф түрк компанияларын бул мүмкүнчүлүктөрдү эффективдүү пайдалануу үчүн Пакистанга инвестиция салууга үндөп, аларга жеңилдетилген жана жагымдуу бизнес чөйрөсүнүн ишенимин берди.
