Мевлүт Чавушоглунун АКШ сапары

Тышкы иштер министри Мевлүт Чавушоглу Америка Кошмо Штаттарына  жасаган иш сапарынын акыркы күнүндө (кечээ) тыгыз дипломатиялык жолугушууларды өткөрдү.

Мевлүт Чавушоглу Бириккен Улуттар Уюмунун  Башкы ассамблеясынын  77 -  башкы кеңешинин төрагасы Чаба Көрөси менен «нөл таштанды демилгесин» талкуулады.

Чавушоглу, Твиттер баракчасынан: "(Көрөси менен) Эмине Эрдоган айымдын жетекчилигинде баштаган таштандысыз демилгебизди талкууладык",- деп билдирди.

Жолугушууда Түркия ортомчу болгон дан коридору келишими жана Сириядагы гуманитардык жардам темалары да каралды.

Мевлүт Чавушоглу жолугушууларын Нью - Йорктогу Түрк үйүндө улантты.

Чавушоглу Түркиянын АКШ жана Канададагы башкы консулдары менен жолугушуп : "Биз дүйнө жүзүндөгү жарандарыбыздын жанындабыз",- деди.

АКШдагы Сирия коомчулугунун өкүлдөрү менен жолугушкан Чавушоглу жолугушуудан кийин маалымат берип : "БУУнун Коопсуздук Кеңешинин 2254 - чечимине ылайык саясий процессти колдой турганыбызды дагы бир жолу кайталадык»,- деди.

АКШга болгон сапарына соцтармактан жарыялаган видеоклип менен баа берген Чавушоглу : "Жолугушууларыбыз  эки тараптуу карым  - катнаштарыбыз жактан абдан пайдалуу болду",- деди.

Тышкы иштер министри : "Ф-16 согуштук учактарынын жаңыланышы жана жаңы Ф - 16лардын сатып алынышы да күн тартибибиздин маанилүү беренелеринин арасында болду. Швеция менен Финляндиянын НАТОго мүчөлүк процессинде келинген жерге баа бердик.   Сириянын алкагында террордук уюм ПКК/ЙПГ берилген колдоонун токтотулушу керектигин айттык",- деди.