Швециянын премьер-министри Түркиянын бардык талаптарын аткара албастыгын айтты

Швециянын премьер-министри Ульф Кристерссон Түркиянын өлкөсүнүн НАТОго мүчөлүгү үчүн бардык талаптарын аткара албай тургандарын айтты.

Ульф Кристерссон, бир аналитикалык борбор тарабынан уюштурулган конференциядан кийинки билдирүүсүндө Түркиянын Швециянын НАТОго мүчөлүгүнө байланыштуу алардан бере албаган нерселерди каалаганын белгиледи.

Швециянын НАТОго мүчөлүгүнүн Түркиянын колунда экенине көңүл бурган Кристерссон: «Түркия үч тараптуу меморандумдун алкагында (Июнь айында Испанияда өткөн НАТО саммитинде) эмне кылганыбызды ырастап жатат, бирок биз аларга бере албаганды жана бергибиз келбеген нерсени каалап жатат. Биз Түркиянын бардык талаптарын көтөрө албайбыз»,-деп айтты.

НАТОнун баш катчысы Йенс Столтенберг болсо Швеция менен Финляндиянын Түркия менен кол койгон үч тараптуу меморандумга ылайык иш кылганын айтты.

Швецияда өткөрүлгөн Folk och Försvar коопсуздук конференциясында сөз сүйлөгөн Столтенберг Швеция менен Финляндиянын НАТОго мүчөлүк арыздарына токтолду.

Столтенберг НАТОнун үчтүк меморандум аркылуу Швеция менен Финляндияны мүчөлүккө чакыруу чечимин чыгарганын билдирип: «Келишимдин сакталганын көрүп кубандым»,-деди.

Столтенберг НАТОго кайрылгандан кийин кээ бир НАТО союздаштарынын эки өлкөгө коопсуздук кепилдиктерин бергенин, НАТОнун аймактагы катышуусун арттырганын, эми Швеция менен Финляндиянын НАТОнун жыйындарына жана интеграциялык аскердик кызматташтыкка кошулганын белгиледи.

Башкы катчы Столтенберг:«Швеция менен Финляндиянын коопсуздугуна коркунуч туулса, НАТОнун аракет кылбай коюусу ойго да келбейт»,-деп айтты.