Коньяда Шеб-и Арус аземдери башталды

Насааттары менен бүткүл дүйнөнүн көңүлүн бурган ойчул жана мистик Мевлананын 749-вуслат (Аллахка жетүү) жылдыгына карата эл аралык эскерүү аземдери «Достуктун убагы» жүрүшү менен башталды.

Мевлананын өлүмүнүн 749 жылдыгынан улам 17-декабрга чейин өткөрүлө турган аземдер сема программалары, көргөзмөлөр, концерттер, театр жана баарлашуу сыяктуу иш-чаралар менен уланат.

Мевлана Желаледдин Руми тарабынан «Аллах менен жолугушуу жана сүйүүнү кучагына алуу» деп аныкталган сема, визуалдуулугу жана мистикалык атмосферасы менен көрүүчүлөргө түбөлүктүү таасир калтырууда.