Грециянын эрежени бузуулары...

Өткөн жылы Греция Түркиянын аба мейкиндигине жана аймактык сууларына карата 1616 мыйзам бузуу жана кыянаттык кылса, үстүбүздөгү жылдын башынан сентябрга чейин эле 1123 мыйзам бузуу жана кыянаттыкка жол берди.

Улуттук коргоо министрлигинин булактарынан алынган маалыматка караганда Греция өткөн жылы Түркиянын аба мейкиндигинде жана деңизинде аскердик деңиз жана учактар ​​менен жалпы 1616 мыйзам бузуу жана кысым көрсөткөнүн каттаган. Бул көрсөткүч 2022-жылдын 8 айында өткөн жылдын ушул мезгилине салыштырмалуу 1123кө өскөн.

Өзгөчө акыркы айларда күчөгөн мыйзам бузуулар жана кысымдардын алкагында Греция Родостун түштүгүндө, Мидилли (Лесбос) аралынын батышында, Ахикерия аралынын батышында жана түштүгүндө жана Сакыз аралынын (Хиос) түштүгүндө кызматтык учуулардагы F-16ларды жалпысынан 1330 секунд бою радар кулпусун салып кысымга алды.

Греция жакшы коңшулук мамилелерине каршы 18-августта да иш-аракеттерин улантып, Сакыз аралынын түштүк-батышында эки F-16 учагына 180 секундалык радар кулпусун салды.

23-августта учкан түрк учактарын төрт башка окуяда жалпы 1020 секунда радар кулпусу менен кысымга алган Греция, 24-августта Мидилли аралынын түштүк-батышында 303 секунд,  29-августта болсо Гөкчеаданын түштүк-батышында Аба күчтөрү командирлигине таандык F-16 учагына  350 секунд радар кулпусун такты.

Греция акыркы жолу 1-сентябрда миссиясы менен учуп бараткан түрк учактарын кысымга алды. Родостун түштүгүндө «НАТОнун деңиз сакчылары операциясы» миссиясын аткарган куралсыз деңиз күзөт учагына 136 секунд радар кулпусун колдонгон Греция, Истанкөй (Кос) аралынын түштүк батышында ошол эле учакты 53 секунда радар кулпусуна дуушар кылды.

Позитивдүү күн тартибине көңүл буруу жана чыңалууну азайтуунун эки тараптуу карым-катнаштарга да, аймактык кызматташтыкка да салым кошоорун баса белгилеген министрликтин жооптуу кызматкерлери, Ишеним орнотуу чаралары сүйлөшүүлөрүнүн төртүнчү айлампасы үчүн Грециянын Коргоо министрлигинин делегациясын борбор шаар Анкарага күткөндөрүн дагы бир жолу кайталап:

«Бирок биздин жакшы коңшулук жана диалогго болгон чакырыктарыбыз алсыздык катары кабыл алынбашы керек жана Түрк куралдуу күчтөрүбүздүн өлкөбүздүн укуктарын жана кызыкчылыктарын коргоого берилген, чечкиндүү жана жөндөмдүү экендигинде эч кандай шек болбошу керек»,-деп айтылды.