Кара деңизде табылган жаратылыш газы 2023-жылдын март айында колдонула баштайт
Анадолу агенттиги (AA) редакциясынын коногу болгон министр Дөнмез, күн тартибине байланыштуу суроолорго жооп берди.
Энергетика жана жаратылыш ресурстары министри Фатих Дөнмез, Кара деңизде табылган жаратылыш газынын 2023-жылдын март айында колдонула баштай турганын айтты.
Анадолу агенттиги (AA) редакциясынын коногу болгон министр Дөнмез, күн тартибине байланыштуу суроолорго жооп берди.
«Абдүлхамид Хан» бургулоочу кемесинин Кара деңизде 45-60 күн иштөө убактысына ээ болоорун билдирген Дөнмез: «Биз бургулоо иштерин ушул убакытта бүтүрөбүз. Эгер ачылыш табылса, жакшы кабарды элибиз менен бөлүшөбүз»,-деди.
Дөнмез Түркиянын энергетика флотунда «Абдулхамид Хан» менен биргеликте 4 бургулоочу кеменин бар экенине көңүлдөрдү буруп: «Берки бургулоочу кемелерибизге окшош көптөгөн өзгөчөлүктөргө ээ болушу менен бирге «Абдулхамид Хан» биз колдонгон биринчи кеме болот. Дүйнөдө өз тармагында 5 кеме бар. 12 миң 200 метрге чейин бургулай алат»,-деп айтты.
Дөнмез, Кара деңизде табылган жаратылыш газы боюнча изилдөөлөрдүн да уланып жатканын жана 2023-жылы бүтүрүүгө карата жылыштар болгондугун белгиледи.
Министр Дөнмез терең деңиз бургулоолору жагынан дүйнөдө мындай масштабдагы бир долбоордун ишке аша электигине көңүл буруп: «Биз кудум Кара деңиздин 2200 метр түбүндө энергетикалык база куруп жатабыз. Бир четинен экинчи четине 12 чакырым, беркисинен 8 чакырымдык коридордо жер астындагы гиганттык түзүлүштөрдү кемелерден түшүрүп жатабыз. Аларды суу астындагы роботтор менен кудуктардын башына орнотуудабыз. 120 километр тереңдиктеги түтүктөрдү төшөө иштери аяктады. 50 чакырымдык бөлүгү калды. 2023-жылдын биринчи чейрегинде март айында буюрса биз бул газды колдонгон болобуз»,-деп билдирди.
Тектеш кабарлар
Эрдоган Парламенттер аралык Кудс платформасында сөз сүйлөдү
Палестина калкынын бүгүнкү күндө тарыхтын эң ырайымсыз зулумдарына дуушар болгонун айтты.