Эрдоган Азербайжан-Армения мамилелерине сереп салды

Президент Режеп Таййип Эрдоган дагы бир жолу Карабахтын Азербайжандын жери экенин, анын эл аралык деңгээлде таанылган чек араларында жайгашканын дагы бир жолу кайталады.

Эрдоган кечээ Сочиде Орусиянын президенти Владимир Путин менен жолуккан соң Түркиядан кайтып келе жаткан учакта журналисттердин суроолоруна жооп берди.

Азербайжан-Армения тирешине байланыштуу суроолорго президент Азербайжандын президенти Илхам Алиев менен 2 күн мурда телефон аркылуу сүйлөшкөнүн айтты.

Армения тарабынан атылган октун натыйжасында бир азербайжандын шейит болушуна себеп болгон кол салууну айыптагандарын баса белгилеген президент: «Карабах Азербайжандын эл аралык таанылган чек араларында жайгашкан Азербайжандын жери. Азербайжан табигый түрдө өз аймагында мыйзамсыз куралдуу элементтердин болушун каалабайт. Үч тараптуу декларация кабыл алынгандан бери эки жылга жакын убакыт өттү. Армения үчүн бул жерде өзүнө алган милдеттенмелерди мүмкүн болушунча тезирээк аткаруу маанилүү»,-деп айтты.

Эрдоган Азербайжандын Англиядагы Лондон элчилигине болгон кол салууну да кабыл алынгыс деп тапкандарын баса белгилеп, бул окуянын олуттуу жана кылдат иликтенип, күнөөлүүлөр жазасын аларынан үмүт кылгандарын айтты.