AFAD Ооганстандагы катуу жер титирөөдөн жабыр тарткандарга азык-түлүк жардамын берди

Ички иштер министрлигинин Апаат жана чукул кырдаалдарды башкаруу төрагалыгы (AFAD) Ооганстандагы катуу жер титирөөдөн жабыркаган 250 үй-бүлөгө азык-түлүк жардамын берди.

Жер титирөөдөн катуу жабыр тарткан Пактика провинциясынын Гиян районунда үйлөрү кыйраган же зыян тарткан 250 үй-бүлөгө азык-түлүк жардамдары берилди.

Бул жардамдын, Ооганстандагы гуманитардык кризистин жеңилдетилишине салым кошуу максатында Түркиядан жиберилген «Жакшылык поезддери» алып барган чай, май, шекер, буурчак жана ар түрдүү тамак-аш азыктарын камтыган 25 килограммдык пакеттерден турганы билдирилди.

AFAD тобунун жетекчиси Тунжели провинциясынын директору Жем Эрдоган: «Жакшылык поезддеринин алкагында жер титирөө жана сел болгон аймактарга жардамдарды жеткирүү иштери улантылат. Чатыр орнотуу, жууркан, төшөк жана тамак-аш сыяктуу ар кандай жардамдарды берүүнү улантабыз. Гигиеналык материалдарды камтыган жардамдарды да беребиз»,-деди.

22-июнда Ооганстандын чыгышында болгон 5,9 баллдык жер титирөөнүн кесепетинен 1200гө жакын адам каза тапкан.