Чатаклы: "142 террорист жок кылынды"

Июнь айында 142 террорист зыянсыздандырылып, 16 террордук кол салуунун алдын алынды.

Ички иштер министринин орун басары Исмаил Чатаклы борбор шаар Анкарада өткөргөн «Айлык маалымат жыйында» террорго каршы операциялардын үзгүлтүксүз уланып жатканын баса белгилеп: «Июнь айында жаз/жай жана «Эрен блокада» менен бирге террордук уюм ПККга каршы иш-аракеттерибиздин алкагында айыл жергесинде 8и чоң, 61и орто масштабда жалпы 12654 операция жана бардык террордук уюмдардын шаарлардагы түзүмдөрү менен кызматташтарына каршы 1421 операция жүргүзүлдү.

Бул операцияларда 1и тизмеге кирбеген, 1и боз, 2си кызгылт сары, 2си көк категориядагы жалпы 142 террорист жок кылынды.

Мындан тышкары июнь айында террордук уюмдарга көмөктөшкөн, жардам берген жана байланышта болгон деп эсептелген 2 миң 791 шектүү суракка алынып, алардын 405и камакка алынды. Ошондой эле июнь айында жалпысынан 16 теракттын алдын алынды»,- деп билдирди.

Чатаклы мыйзамсыз миграция менен күрөшүү боюнча маалыматтарды да бөлүшүп, мындай деди:

«Июнь айында 4 миң 659у деңиздерде жалпысынан 33 миң 465 мыйзамсыз мигрант жана 612 уюштуруучу кармалды. Өлкөсүнө кайткан сириялыктардын саны 509 миң 791, учурда катталган сириялыктардын саны да 3 миллион 648 миң 983.

Жыл башынан бери депортацияланган мыйзамсыз мигранттардын саны 48 миң 233, июнь айында депортацияланган мыйзамсыз мигранттардын саны болсо 16 миң 710».