Элчи Шен Германиядагы түрктөрдүн күтүүсүнүн кош жарандуулуктун мыйзамдаштырылышы экенин айтты

Түркиянын Берлиндеги элчиси Ахмет Башар Шен Германиядагы түрктөрдүн күтүүсүнүн кош жарандуулуктун мыйзамдаштырылышы жана жарандык алуунун жеңилдетилиши экенин айтты.

Германиядагы Түрк коомчулугунун (TGD) Башкы ассамблеясында сөз сүйлөгөн Шен 25 жылдан ашуун Германиядагы түрктөрдүн укуктары жана кызыкчылыктары үчүн ийгиликтүү иш алып барган ТГДны куттуктады.

Шен түрктөрдүн Германияда биротоло кала тургандарын кабыл алгандарын белгилеп: «Германиядагы түрктөр кош жарандуулуктун мыйзамдаштырылышын жана жарандык алуунун жеңилдетилишин күтүп жатышат. Ошондой эле Германия жарандыгы жоктордун жок дегенде жергиликтүү шайлоодо добуш берүү укугуна ээ болушун каалашат»,-деди.

Түркия менен Германиянын ортосунда тарыхта терең тамырлуу өнөктөштүк жана союздаштыктар бар экенин белгилеген Шен, Германияда жашаган болжол менен 3,5 миллион түрккө негизделген гуманитардык байланыштардын эки өлкөнүн карым-катнаштарынын эң маанилүү өлчөмдөрүнүн бири экенин белгиледи.

Түрк коомунун Германиянын өнүгүшүнө жана көп маданияттуу өзгөчөлүгүнө 60 жылдан ашуун убакыттан бери чоң салым кошконун баса белгилеген Шен: «Бүгүнкү күндө Германиядагы түрктөрдүн саясат, экономика, илим, спорт жана искусство сыяктуу ар түрдүү тармактарда абдан маанилүү ийгиликтерге жетишкенин көрүп жатабыз. Биз муну менен сыймыктанабыз»,-деп айтты.

Германияда ксенофобия, исламофобия жана дискриминация сыяктуу маанилүү маселелердин уланып жатканын белгилеген Шен, Түркиянын Германиядагы өкүлчүлүктөрү катары өкмөт тарабынан расизмге каршы көрүлгөн чаралардын эффективдүү ишке ашырылышын күткөндөрүн белгиледи.