Чавушоглу: «Түркия менен Израиль бири-бири менен эң көп соода кылган 10 өлкөнүн арасында»

Тышкы иштер министри Мевлүт Чавушоглу оң күн тартибинде иштөөнүн (Израиль менен) пикир келишпестиктерди конструктивдүү чечүүгө жардам берерин айтты.

Мевлүт Чавушоглу жолугушууларды өткөрүү үчүн барган Израилде кесиптеши Яир Лапид менен эки тараптуу жана делегациялар аралык жолугушуудан кийин биргелешкен маалымат жыйынында сөз сүйлөдү.

Айырмачылыктарга карабастан (Израиль менен) туруктуу диалогду улантуунун пайдалуу болоорун баса белгилеген Чавушоглу: «Бул бири-биринин сезимталдыктарын өз ара урматтоого негизделиши керек. Бул эки тараптуу мамилелерибиз үчүн гана эмес, биздин аймактагы тынчтык үчүн да пайдалуу болот»,-деди.

Чавушоглу израилдик кесиптеши менен жолугушуусунда аймактык маселелер боюнча да пикир алмашканын белгилеп: «Позитивдүү күн тартибинде иштөө пикир келишпестиктерибизди конструктивдүү чечүүгө жардам берет. Чынында эле, өткөн Рамазан айында мамлекет башчыларынын деңгээлинде түзгөн диалогубуз да тынчтыкты сактоо аракеттерине салым кошту»,-деп айтты.

Министрликтер менен тиешелүү мамлекеттик мекемелердин ортосунда техникалык жолугушууларды кайра куруу үчүн Израиль менен макулдашкандарын белгилеген Чавушоглу: «Биз көптөгөн тармактардагы карым-катнаштарыбызды жандандыруу, мындан ары башка механизмдерди түзүү жана жарандык авиация боюнча сүйлөшүүлөрдү кайра баштоону макулдаштык»,-деди.

Чавушоглу, географиялык жакындык жана бири-бирин толуктаган экономикалар Түркия менен Израилди табигый соода өнөктөштөрү кылганын баса белгилеп: «Түркия менен Израиль бири-бири менен эң көп соода кылган 10 өлкөнүн арасында. Биз башынан өткөрүп жаткан жаңы типтеги коронавирус (Ковид-19) эпидемиясы сыяктуу кыйынчылыктарга карабастан, соода көлөмүбүз өткөндөгү айырмачылыктарга карабастан өсүүнү улантты»,-деп маалымдады.

Израилдин тышкы иштер министри да: «Министр менен жолугушкандан кийин өз ара биргелешкен (Түркия-Израиль) экономикалык комиссиянын демилгесин кайра баштоону макулдаштык»,-деп айтты.

Бир тараптан министр Чавушоглу Израилдин туризм министри Йоэл Развозов жана аймактык кызматташтык министри Эсави Фреж менен жолугушту.

Жолугушуу тууралуу социалдык медиа эсебинен билдирүү жасаган министр Чавушоглу: «Биз Израилдин туризм министри Йоэл Развозов жана аймактык кызматташтык министри Эсави Фреж менен кечки иш тамакта жолугуштук», - деди.

Министр Чавушоглу басып алуу астындагы Чыгыш Кудстагы Масжид-и Аксаны да зыярат кылды.

Месжид-и Аксанын башкаруусунан жооптуу Кудс Ислам Фонддору Башкармалыгына барган Чавушоглу башкаруунун президенти Аззам ал-Хатиб менен жолукту.

Дипломатиялык булактардан алынган маалыматка караганда Чавушоглу жолугушууда: «Месжид-и Акса түрк улутунун дубасында. Түркиянын Кудс жана Месжид-ул Аксага карата сезимталдыгын Израиль тарапка ачык айттык»,-деди.

Чавушоглу, Ислам Кызматташтык Уюмунун жана бардык Ислам өлкөлөрүнүн Кудс менен Месжид-и Аксаны унутпашы үчүн бардык аракеттерди жасап жаткандарын айтты.

Тышкы иштер министри Чавушоглу Фонддун жооптуулары менен жолуккандан кийин Харем-и Шерифтеги Күмбөз Сахраны жана Кыбле мечитин да зыярат кылды.