Шольц Түркияда
Шольц Анкарада Аныткабирге зыярат кылды.
Германия Федеративдүү Республикасынын канцлери Олаф Шольц президент Режеп Таййип Эрдогандын чакыруусу менен Түркияга келди.
Шольц расмий сапарынын алкагында борбор шаар Анкарада (Республиканын негиздөөчүсү Ататүрктүн сөөгү жайгашкан) Аныткабирге зыярат кылды.
Бул жерде Аныткабирдин атайын китебине кол койгон Scholz мындай деп жазды:
"Заманбап Түркиянын негиздөөчүсү, Европалык улуу мамлекеттик ишмер Мустафа Кемал Ататүрккө терең урматтоо менен таазим кылам. Ушундай оор мезгилде түрк жана немис элдеринин ортосундагы байланыш өзгөчө баалуу".
Андан соң Шольц Президенттик комплекте президент Эрдоган тарабынан расмий азем менен тосуп алынды.
Эрдоган менен Шольц азем аянтында орун алгандан кийин 21 жолу атылган замбиректин коштоосунда Улуттук гимн жана Германиянын гимни ойнолду.
Эки өлкөнүн делегацияларынын тааныштырылышынан кийин Эрдоган менен Шольц бетме-бет жана делегациялар аралык жолугушууларга өтүштү.
