Түрк Кызылайы Ооганстанга гуманитардык жардам жөнөттү

Түрк Кызылайы Ооганстанга 142 тонна гуманитардык жардам жөнөттү.

Түрк Кызылайы дүйнөнүн ар кайсы аймактарына жардам колун сунууну улантууда. Бул жолку дарек Ооганстан болду.

5 жүк ташуучу унаа азык-түлүк жардам менен Пакистан аркылуу Ооганстанга жөнөп кетти.

Пакистан-Ооганстан чек арасындагы Торхам чек ара бекети аркылуу 142 тонна гуманитардык жардам өттү.

Жардам Ооганстандын борбору Кабул менен катар Дайкунди, Лахман жана Нуристан провинцияларында таратылат.

Азык-түлүк колдоосунан 30 миңден ашуун адамдын пайдаланышы күтүлүүдө.

Түрк Кызылайы 2-октябрда да Ооганстанга 33 тонна азык-түлүк жардамын берген.