Украина Россиянын колундагы жарандары үчүн Эрдогандан жардам сурады

Украинанын тышкы иштер министри Дмитро Кулеба президент Владимир Зеленскийдин  Түркиянын президенти Режеп Таййип Эрдогандан Россия  камакка алган Украин жарандарын бошотуу үчүн жардам сурагандыгын жарыялады.

Кулеба өткөргөн маалымат жыйынында Зеленский менен Эрдогандын Нью - Йоркто Бириккен Улуттар Уюмунун Башкы Ассамблеясынын 76 -  жыйынында  жекеме-жеке жана делегациялар аралык сүйлөшүүлөрдү өткөргөндүгүн  эске салды.

Кулеба сүйлөшүү учурунда Зеленскийдин Эрдоганга Крым Татар Улуттук Парламентинин спикеринин орун басары Нериман Желал да араларында болгон 450 кишилик украиналык туткундун  тизмесин бергендигин айтты.